Merci, Manni.


Siehe auch: Raadschfade
Siehe auch: Raadschfade
Sicher heist eich eigentlich (Und schaff sött schaffsch si). Ich mein, wenn Du Ziit für Geduld hesch, denn bisch Du vermuetli pensioniert.

Mädle, fir Dei Aldr bisch ganz schee frech.

Em Gegasatz zu Dir woiß i was "schaffa" heißt.

*gg*

Hoppala, ond dank schea fiers baschdle, manni. Schea hosches gmachd, wie allad hald.
*ardig knix*

candice? Du grinsch drzua?

Pfffffffffff

Manne, i dank Dr au rächd schee.

HA! Wer het da kei Maniere? Nöd emal danke gseit het er....




Em Gegasatz zu Dir woiß i was "schaffa" heißt.
Das hanich au nie azwiflet. Ich han nume, da du offebar Ziit für Geduld hecsh, azwiflet, öb Du no in Arbeit bisch oder Dich scho zu Renter gsellsch.

Fleggle!!

Mr muaß net Rendner sei zom a bessrs Zeitmänätschment als en Schdudent z'hao. Ond mit ma rächda Zeitmänätschment hot mr au Zeit ond net bloß Heggdig. Woisch net, dass obberadife Heggdig oft bloß geischdige Windstille ersetzt?

Was??
*liebguck*
:P


Ziitmänätschment bringt eim nume bednigt me Ziit zum umelümmle und warte.
Aber s isch sicher nüt schlechts.

Ha. Er het immerno mit keim Wort gseit, öb er ez no schaffe tuet oder nöd. Vermuetlich het er sich klammheimlich pensioniere lah. *nick*

Fleggle, i ben a Schwob. Mir schaffet au, wenn mr pohsjonierd sen, abbr des ben i net.

Aha, wie isch das mit de gsischtige Windstilli gsi?

Heischd ess ned, dass Rändna die Leid senn, die am weenischde Zeid hann ?

Ach joh, isch waa heid moin aach annaweidisch beschäffdischd unn aussadeem, so ääna glääna Wissgie leesd doch noch kää Kooma aus ...

Mir schaffet emmr en aller Ruhe, nia net heggdisch. Wia heißt's bei ons so schee: "No net huadla".

Griaß De, no me bré.

Das seged d Berner au! Hei, da tönd sich ja Verwandschafte uf!


Hallo nomebre!

Mir saget des abbr net so langsam wia die aus Bern.

Luisle, sHemele had idd omasoschd des Wädle 'blu' in seim Nigg!! Mier hand ebbs vo Wisgi gschriebe ond des raichd scho, dasses bis Middag feschd schlofd ;-)

Diihr, sid Diir Schwaaabe am Ändi äuä no verwant mit de Bärner?

Mier send mid alle Allemannische vrwandt, bsondrs ii - drom haißeze ja Allemanni!

Näher mit Eich, Ihr hend jo mol zom Herzogtum Schwaben ghert, die Geged vo Bern war streitig mit dem Kenigreich Hochburgund: http://de.wikipedia.org/w/index.php?title=Datei:Alamannien_Hochburgund_ca_1000.p...

Mir schaffed aber gern vorwärts, mir Zürcher.

Abbr Vrwandtschaft gründet emmr en dr Vrgangaheit.

Vilich sind ir demfall me so Seeleverwandti?

Vilich sind ir demfall me so Seeleverwandti?

Uff jeda Fall stoddere mir net. *gg*

*hitzg*

Ond jetz vrabschied i mi. I wensch a guade Naacht.

Wass ? So frieh schonn ? Dann schloof guud !

Noi, i gang no ned schlofa. Abbr i will no äbbes mit em Co-Neidrino schwätza.

Ond jetz ben i weg.

Dann schloofsche' hald schbäda guud, unn Dei Med-Däälsche aach ! :-)

*nahwink*

Guet Schwätz!

Manni, i war scho um halber Achte wach, ond hen as Nickerle glei no drã ghängt. :-P

Soso. Am halbi 8i usem Koma verwachet und so verkatereet gsi, das mer zersch mal hend möse de Rusch fertig uschlafe...

Guada Morga.

Guede Moege, Schdiggle!
Was haschn mea aagschdelld, dassd id schlofe kasch?? Vrzell, vieleichd erleichdred dees de Druck uff dei Säele. Wex waas hasch denn a schlechz Gwisse? Weil: Au guez Gwisse isch a sanfz Ruäkisse, ond no kasch amend oo mea bessr schlofe, wennd dohinna a bissle beichdesch ond dei Häez erleichdresch. Woisch, sBeichde isch wie a Seitebachar-Müsli: Des isch gued, des dued oo dier gued :-)))

Manne, i hao doch net schlecht gschlofa. Aber ommara Siemne hot mr als xondr Mensch doch ausgschlofa. Zmindescht wemmr om a halbwegs vrninfdige Uhrzeit ond net bsoffa ens Bett ganga isch.

Eha!
Ond was isch fier di a "halbwäegs vrninfdige" Uhrzeid annerem Samschdig? Also fier mi isch des so zwischa oins ond zwoi, ond da bi i ommra siemne no id ausgschlofe, gell? (Ond deswäege ka i oo die gscherde Sommrzeid id vrbudze!)

Abr an guede Morge wensch i uib all drodzdeam! :-)

Vrninfdige Bettgehzeit isch be mir au so wia bei Dir.

Ond i mog die Sommerzeit, weil e do am Obed no uff dr Terrass hogga ko ond drbei au no äbbes sieh oddr, wenn e aus em Birro hoimkomm no a bissle Fahrrad fahra ganga ko.

*umeschneii*

*umeschneii*

Direkt noch em Uffschdanda? ;-)

Se wäed hald uffm Wäeg vom Chüelschränkli zom Diefchüeltrüheli xii sei - zom Weidrschlofe!

Noch esses ned rischdisch Friehling, doh' senn so mansche Leid noch im Windaschloof, awwa gugge alls moh' raus, obb sischs loond, wach 'ze genn.

Schnäefleckla ond Schnäegleggla - send des oo Leit???

Die ääne schmälsse dehinn, die annare blieje off ...

Ich gratuliere euch ganz herzlich zur schönen Schnapszahl.

*Schnapsflasche hinterlass*

*umeschneii*

Amy, dank dr schea fierd Flesche ;-)

Viel isch nemma dinn, s Fleckle had ganz schea zueglanged ibr Nachd. No wäeze mea bis heid zObed duurschlofe - onz Hemele warscheinz oo ;-)

*hicks*
Verzeihung...

So wie sich des ohert, hot's Fleggle doch no äbbes iebrig glassa. Abbr d'Candice jetz scheintz nemme.

I glob allad, sZickarle had a nuie Fläsche aufgmacht :-))
Was isch es denn?? Dr Uhudlar wäed moine scho gar sei ;-)

*ineeschneii*


Verehrti Gommuniti,
Ich han beschlosse, ich verlahn Eu für es Ziitle.
Also, so wie Goldi, bis Oschtere. Ich han eifach recht vil z tue im Moment und drum hanich beschlosse, chli weniger in Leo z si. Per Email bin ich susch schono erreichbar (und die nächschte par Stund auno, falls öpper s Bedürfnis versprürt, öpis dezue z schribe.)

Hmm, i dät Dr jo viel Schbaß wünscha, abbr wie willsch Du Schbaß han ohne ons?

Ond i hao allad gmoid, sMiddlaldar mid seine Selbschdkaschdeijonga ond em Flagellandedom sei endgildeg vorbei - hmmm ...
So kama se deische ;-(

Abr des Schdreckiise lasch fei ussm Schbil, gell!!

Wenns Vegale faschded duat, no kane des no vrschdanda. Aber s'Fleckle? Faschda? Faule Ausred! Schreibfaul wirds sei. :(

Außrdem, im Fada schreiba isch wia "jedn Dag a guate Dat", asso äbbs Edles, äbbs Nobles, äbbs Menschawichtigs. S'gitt gnua draurige Sacha auf da Welt, no brauchamr des Fadagligg id au no absäaga.

N'Ôbnd mittanand!

Manne, des Schdreckeise isch fir 's Fleggle doch koi Kaschdeijong. Entwedr macht's des wirklich gern oddr 's macht's bloß zom ons ärgara ond hot dann dodrbei sein Schbaß. Egal wierom, en dr Zeit dr Selbschtkaschdeijong macht's koin Bledsinn drmit.

Tja, Jungs;-)
Ich hoffe IHR gönd nöd i vor Langwiil ohni mich.


Genau, Neutrino, Du seisch es.
(*flüschter* @manni weisch wivill Ziit das das bruucht, d Haar z strecke? Z vill im Momenet vill z villl.)


@Gäbeli
Nöd da sii git mir au nume indirekt me Ziit für spirituelli Erfahrige. Es git mir in erschter Linie meh Ziit für das was ich mache mues und den in zweiter ebe au no für so Sache wie Dialog mit Gott und Gitarrespile und Chuechebache.

Fleckle, bischdr au klar, dass ohne di da Fada eischlôft? Mit dir kommunizierad dia Kerle liabr ass mit mir.

So, un etz gange ins Neschd un bin draurig. Bis Oschdera halt.

Guat Nacht!

Fleggle, abbr mir kendet Dir au helfa. Zmindescht beim Kuacha. Weil der muaß jo noch am Bacha au gässa werda.

Huhu Moi Gab!

Hmm, d'Edith moint, dass se jetz scho fort isch, d'Moi Gab. Schaad. Schlof guat!

@teili: Das isch ämal au öppis...



Ach, was Gäbeli, das gaht scho!

On so äbbes biet i völlig selbschtlos o, gell. Was ben i doch fir a aldruischdisch eigschdellts Schdiggle. Wenn i net so bescheida wär, no dät i saga, dass i a Subbr-Schdiggle ben.

Ond jetz vrabschied i mi. I wensch allseits a guade Naachd ond Dir Fleggle a guade Zeit. Ond wenn's Dr langweilig wird, kosch jo vrbeigugge.

Ietz wo i middie Schnabbsflesche komm, sends all vrschwunde. Dabei hao i in meim Schbiriduose-Kabbineddle ausgmischded ond feschdgschdelld, dass mr so allrhand nimme allzue lang aufhebe sott.

*aufda Disch schdell ... an Voglbeerlikör ... an Grabba ... an Williäms ... an Weixlschnabbs ... an Brosecco-Grabba ... an fembfazwanzg Joahr alde irische Wisgi ... an Sanddorn-Likör ... an Deckila ... an Ferneh ... ond an Awerna*

Broschd! I gang ietz mein Dulljöh ausschlafe (wobei ausschlafe gohd id, i mueß ummra halbr-sexe aufschdah - Mischd!)
*hicks*

Wenns gar id andrsch duesch, no nemmi mier hald ebbs vo deam Grabba - alla salute!

Des isch ja a beeindrggende Beschtigung von deiner Bar, candißle. De dät i gern amol bsuacha, wenn a Soffa daneba schdäht, daß mer glei eischlofa kã.

Was isn des fir a Wisgi?

Heit sen mr a Paar Pömps ibrn Weg gloffa, dunklblau, baßt perfekt zu meim Koschdüm.

*allnewink*

~*useschneii*~

Was fier an Wisgi, Hemele? Mueß amol luege...

Allzo, däer däer weck mueß isch a 'Tullamore Dew', fembfazwanzg Johr ald, abr scho seid 1992 offe, allzo wahrscheinds nimmr die ganz groeße Offebarong.
Abr i hedd no an 'Jameson Special Reserve Gold' vo 1995, ond däer isch no zue.

Abr heid ka i koin drinke, mueß no mindeschdns zwoi Schdund korrigiere, ond hao an ganze Dag scho an Bresslufdhammr em Schedl. Ond bfoer dier iedz räechd läschdrd: i hao geschdrn gar id viel drunke, des kommbd ehr vo die neizea Grad ond däer schdechade Sonn, die mier heid ghedd hand.

Iebrgnds: *em Vegale ganz feschd wink*
Weil midläese duedse doch, odrid?

Bei mia hadd sisch noch kää Wissgi soo lang gehall, noh' unngefäah' zwää Joha waare die Flasche meischdenns dann doch all ...

Broschd !

Dô schau her! Kaum schwätzat se vom Wisgi kommet se all her. Bei mir halt de Flasch net amol zwoi Johr.

Na jaaaaa, mir hend scho edliche andre Fläsche dazwische dronke, abr die wared hald zue schbezielle Aläss kaufd odr gschenkd (auf dr Hochzeidsreis - a Fahrradduhr durch Irland - zom Beischpiel), ond nachad hammr se allad aufhäebe welle.

Echt, so lang hot bei mir no nia oinr ghalta. Bloß a selbr Ogsetzter hot's mol so lang dua, den hot mr am Ofang net drengga kenna, abbr er isch mit de Johr bessr gworra.

Sen'r jetz alle hendr de Flascha vrschwonda ond sifflet do dro rom?

Nöh', wenn die Flasch zwää Joha halle soll, dann kann isch heid joh' ned schonn wedda dringge ... isch binn an mansche Ommende aach emmol (zwischedoasch) annaschda beschäffdischd ...
:-)

Echt? Was machsch denn?

I ben net neigieriog, bloß endressiert.

Manschmoh' dunn isch sogaa iwwasädse ...

Von deitsch en saarländisch? ;-)

nää, umgekead ... unn abb unn zu äh' bissje Englisch odda Franseesisch ...

Omkehrt? Abbr mr soll doch von dr fremda en sei Muddrschbroch iebrsetza ond net aus derra en die fremd Schbroch.

Manke Leit kenned äebe alls ond Hoechdeidsch - oo wemma des id fr megle halde sodd!

Manne, dann sen des koine Schwoba.

Ond i vrabschied mi jetzt, morga frieh isch d'Naachd wieder rom.

I wensch allseitz a guade Naachd.

Ich binn joh' aach känn Schwoob, isch hann dodefoa ah' schwäwischa Schwoa ... unn sei Familje ...

... ond eis zom hoigaade ;-)

Wie konnd dea Faade nua soo weidd unne lannde, dass mah' 'ne suuche geen muss ... hann Iha all inn demm Schnabbszaalefaade die Baah' vom candice geschdäamd unn senn doad fassaggt ? Odda feijare nah' all de irische Feiadaach ?

Slainte !

Nix gfeiert, gschafft.

Doh' bissche awwa aussa mia wool de' äänsisch ...

:-)

Vielleicht schaffe die andere jo au jetz no.

Ond will i net bloß gschafft hao sondern des au ben, vrabschied i mi. Guat Naacht.

Dann : Schloof gudd ! ... unn Dei Med-Däälsche aach ! :-)

I hen wia jedn Doschdäg mein Wochaeikauf gmacht ond jetz dua i a bißle Fernseh gucka.

Grad in dr Ässbaa käerd:
Sui: "Neechsta Halt Giiising."
Äer (BE): "Next stop Giesing." - mid am saubre Difdong! *hihi*

Ond was isch jetz des? Koi Sau do?

Außr mier!

Du bisch doch koi Sau, odr? ;-)

Fa dässweesche hodd isch misch jo easchd gaanedd gemäld ... :-)

Dobei wolld isch nua Guunnaachd saan !

no me bré:
:-p

Ond guat Naacht!

Koi Sau, hegschdns manxmol a Saubäer, wenni midde dreckede Schue in dWonong komm odr so ;-(

Ha, musch halt drnoch dr Dreck wegbutza, no bisch koi Saubär meh.

Guede Idee!

Aber heid nemma, heid gang i bloss no ens Bedd, ond zwar jiez glei.

Guez Nechdle - tu huum id mei konzörn :-)

Schlof schee. Ziag abbr vorher dia dreggede Schua aus!!

D'Edith moint, i sott mi jetz au vrabschiede. Guad Naacht.

Guada Morga.

Ob dr manne wohl seine dreggade Schuah auszoga hot bvor'r ens Bett ganga isch?

Sell scho! I hao mr des âgwend, weil i dBeddwäsch so ôgäere wäsch. Die bassd id gscheid uff de Wäschschdendar ond beim Begle hangedze allad ibr sBeglbredd naa bis uff de Bode! Do mueß i gladd jezmol de Bode voerhäe wische ;-(

Abbr wenn die Bettwesch iebr da Boda stroift, no brauchsch doch net vorher wischa, des macht doch dann die Bettwesch audomadisch.

Do hasch räechd! Ond aingdle konnd i ja no dSchue oo glei âlao!! Schuebudze ond Bodewische kwasi in oim Beddwäsch-Aufwasch. ;-)

Dankdr fier dean haiße Tibb :-))
So schbar i an Haufe Zeid ond kaa efdr ond lengr im Leo serfe!! Karbe dijem!!

Mr muaß halt als amol oifach braggdisch dengga.

Liebr lengr denkd als lengr budzd :-))

ädd Abiduhr - noch achd odr nei Jor? Mid http://www.sueddeutsche.de/karriere/chancengleichheit-beim-abitur-gerechte-abitu... "> Midr - grea, schwaaz odr roed?

manni, des schdohd doch scho en deim link, dasses des neijährige Abbiduur isch. Abr du hosch wahrscheinz bloß mea Auge fier die hibsche Fehla auf deam Foddo ghedd, schdimmds?
Ond wennz G9-Abbiduur rom isch, gohds faschd nahdlos weidr mibbm G8.

Ond weaga deinr Beddwesch mueß i dr scho mal was sage. Erschdns biegld mr die bloß middr Bieglmaschinn (des hod mei Mamma allad gmachd), odr mr gibds weck zom biegle (des hod mei Schwiegrmueddr allad gmachd), odr mr bieglds hald idd - beziehongsweis bloß die Kopfkisse-Bezieg (so mach i des allad :-)). Ond wemmrs scho sell am Bieglbredd biegld, na schdelld mr a Wann aufd oine Seid vom Bieglbredd ond oine aufd andre Seid, nacha kommbd des frisch gweschene Zuig nia idd auf da Boede. So, ietz woisches... ;-)

Abr so kasches oo mache:
http://s3files.core77.com/blog/images/extreme_ironing_competition.jpg
http://www.moolf.com/images/stories/Sport/Extreme/Extreme-Ironing-sport/Extreme-...
http://elearn.hawk-hhg.de/projekte/15/media/extreme_ironing4.jpg
I frog mi bloß, wo däer im ledschde Bild dean Schdeckr agschdeckd hod...
*gg*

Iebrs Biegle geids so viel luschdige Bildr, des ka mr gar id glaube:
http://img.izismile.com/img/img2/20090417/ironing_17.jpg

Zickarle, däe vo deam dridde Lingg had an Haißlufdgennerador in dr Hose ;-)

Abr dankdr schea fier die Haufe Tibb. Schäffla voer ond hendrem Biglbredd kommebr em Momend am blausibleschde voer.
Abr wies Schdickle scho en 100 gschriebe hadd, wäeri zeschd amole afange mid brackdesch denke :-)


Scho in dr Bildondschrifd schdod ibrigens, dass vo deane vier Gschwischdr zwai Fehla s neijäereg Abbi, oine s Abi an dr BOS ond dr Bue am G8 mached.
"Abr du hosch wahrscheinz bloß mea Auge fier dean nedde Kerle auf deam Foddo ghedd, schdimmds?" ;-))

Die vier Fehla sen aus oiner Familie ond machend alle gleichzeitig Abitur. Oina am G9, zwoi am G8 ond oine auf dr BOS.

Der Bergbiegler werd halt a altmodischs Begleise mit Holzkohla habe, so wie friar.

Im Wikkipedia haoni a viel langweilegre Erkläerong fier die hochalpin Bigltechneck gfonde:

Für das Bügeln kommen handelsübliche Bügeleisen zum Einsatz. An Orten, an denen keine elektrische Stromversorgung zur Verfügung steht oder aufgrund von Feuchtigkeit nicht genutzt werden kann, wird die Heizplatte durch Hilfskonstruktionen (zumeist Gaskocher) erwärmt. So wurde für die Weltmeisterschaft ein Verfahren entwickelt, bei dem das Bügeleisen im Inneren durch eine Exotherme Reaktion erhitzt wird, erzeugt durch die Vermengung einer zum Granulat gepressten hygroskopischen Chemikalie mit Wasser.

Manni, kannsche dass jedsde noch in äh' doo allgemään faschdännischie Sprooch iwwasedse ? :-)

Okee, Luisle, fier di due i ja faschd alls:

Kuuz xed goz drom, dass ma abseiz vo dr Ziwillesazio sBegleise
- endwedr mid am Schwaißbrennar haiß machd. d Azeddilehn- ond Zauerschdofffläsche mueß ma sell drage, weil Drägar odr Scherba idd erlaubd send.
- Odr ma nemmd a Begleise mid Radioackdiwedäd mid, am beschde mid Bluddoniom, des hebd am lengschde! Noch vierezwanzgdaused Jor isch allad no dHelfde do.

Hasch des jiez vrschdande??

Einischamaaße ... awwa isch nämme nix med Bluddonium iaschendwohin medd ... Radio joh, awwa oone' Agdiwwidäd (weil Schpoad allän ess joh' schonn Moad) ... ansonschde ess mei Bischeleiseh' schonn zugeschdaabd, weil isch's nie benudse ...

'n Obed mittnand.

Isch hann's geschaffd, de Schnabbszaale-Indraach im Schnabbszaale-Faade !

*Reschd vomm Wissgi fadääl* (Dea do halld halld kää zwää Joa)

Broschd !

Sláinthe.

Äääh, i hao scho en Ardbeg em Glas ghett. Egal, hao i jetz halt en Blend ...

Aigndle isch ja a Schnabbszal bloß zwaischdelleg, weil ma nemle bloß zwai Ooge had, ond drmid ka ma id gued dreifach säeche - *hihi-cks*

Abbr wemmr gnuag drongga hot, ko mer au die zweischdellig Zahl nommol doppelt säa. Dann sens vier ...

Mid Heanrooge scho! Abr do mißd i ja dSchue raadoe :-(

Stemmt, die lasch jo jetz o.

Ond jetz vrabschied i mi. No en Tipp: locker die Schuahbendel a bissle, bevor De en 's Bett gohsch, damit Dr d'Fiaß net eischlofet.

Guat Naacht.

seidd wann ess hunnadälf känn meh' Schnabbszaal ... fro' mool die Fassenda doh' in de Geschend, dass ess die allaheilischd Schnabbszaal ... aussadeem ess dass kää Blend, sowass gebbds bei mia niee, dass ess eh' folljärischa Single Malt !

Elfda elfda, elf Uer elf send die vier Fasnachzschnabbszala. Do isch doch nix vo hondrdelf mid drei Schdella zom säche!! Bisch jiez scho so bsoffe, dassd nemma uff drei zelle kasch?

edidd: Schdiggle, des mid deam Fieß eischlofe isch so a haiggls Brobblehm, wenns oms Eischlofe god - solle bFieß eischlofe odr solle bFieß idd eischlofe - wennd vrschdosch, was i moi :-/

Guada Morga.

no me bré, hondertelf isch en Dreierpasch *gg*

I glaub, honderoisazwanzig isch no heiligr als wie hondertelf bei denen Fasnetler, weil des jo elf mol elf isch. Abbr dia sen jo so närrisch, dia vrsuchet emmr äbbes mit ma Elfer nozomgriaga. Ond zom sechzigschda Jubiläum saget se, de wär fempf mol elf plus fempf ...

Guada Morga,

s'isch noita Nacht, woiß idda, obber eich etz scho do hinna rumdreibat. Ich pouschd etz halt oifach amol auf guad Gligg.

Bin heit drhoim, will meine Schdeirsacha richta, muaß me abr no a Wengl in Hintera dräata drzua. Drom hogge grad am Compjutr.

Mein Pouschd isch da 11 môl 11.

Ädschidbädsch!

Mei Bouschd isch dr 11x11+1 - oo schea :-)

Gäbele, hasch neamad, däe wo dr hilfd beim Hindredräede? I däd des gäere :-)) Soll i komme?

11x11+zwoi

Jô, bidde! Komm!

Abr bieglet honne schô!

11x11+drei

Etzd honne grad no d'Wesch nausghengt, solangse no id radioagdiv wird.

D'Hausdiera honne offa lô, no muesch idda schella.

Manni, bisch an echda Freind. Immr do, wenne de brauch :)

Bi scho ondrwäex. I bring hald no mei aigene Biglwesch midd - selbschd isch dr Mann-i ;-))

Voer i jiez zom Klarineddle fahr, due i no an kloine Lubfffferar :-)

Ond hendrhhhhäääe oo!

Ehss weenischdens Dei Wäsch jedsde gladd odda laafsche imma noch fagrombeld romm ?

Vo de frischbeglede Hemedr haoni noi kois aakedd, die hanged all no gladd uff dr Schdang. Ond mei Xichd isch oo id vrkrombled, weil mr a so a scheane Musegg gmachd hand :-))

Fomm Gesischd hann isch kää äänsisch Woad gesaad, unn vonn de Mussig konnd isch joh nix wisse (aussa dassde die Glarinedd eawäänd hasch), awwa fileischd heebsche dah' die gebischelde Sache jo fa de Sonndach off ... VDM am Sonndach ?

Klar, die beglede Sacha fier de Sonndag - an guede Eidruck mache im VdM :-)

Guada Morga!

Schnell no a mei Gimnaschdig den Fadlupfr draheng.

Wenne Zeit honn, gugge heit Ôbnd nomml rei.

Bonn schurnee!

Bis zObed nocha :-)

Mannile, wo bisch?

An Salvador dringa, heit is Anstich. Broschd!

Bi scho do!

I au. Wer no?

Isch binn schonn wedda wegg, bis gleisch !

Was jetzt? Weg odr bis glei?

Scheintz weg ...

Isch binn heid ommend imma nua mol ganns korz do, inn soo nah' Sschdunn odda annadhalb fielleischd eh bissje lännga ...

Do ben i dann wahrscheintz abbr scho em Bett oddr zmindescht uff em Weg dortno.

Noch dooh' ?

Scho mea ;-)

Griaß eich! A ganz kurze Meldung: snowflake vermisst eich. :-(

Vrdräde Weld! Mier vrmissed sui! Se brauchd se ja bloß riere, wenn ses nemma aushaldt!

Abr schea, dass du reiluegesch, ßdedruile :-))
Des isch mr jezmol a aagneame Ibrraschong!

Se riert se schon, manni, bloß iatz no ned.

Isch ja aingdle ganz gued - so riersch de du wenigschdns mea amol do hinna! I gfrai mi dribr!

Boschkribbdom: Schad, daß i koi ß in deam obre Sadz ondrbrochd hao. No mach is hald so ;-)

Nochdrag zue hondrdsegseviezg: Laidr ladd des groeße ß allad no auf se warde. Solang mueß i hald dein Nigg kloischreibe - dschulljong!

Griaß Eich.

Ball bei mir heind allz voolr Schdroah isch, gugge mol dauherinna rei.

Griaßts eich.

Selima! Des gfreit me jetz.

Vollr Schdroh?? Wohnsch Du jetz an dr Scheier?

Noi, idda. Dr Dengs isch endr Haubtschdadt.

A so. I hett halt a Eck weidr dengga solla.

En dr Haubtschdadt bisch Du doch au fascht jeden Dag. I au, abbr halt net en dr gleicha.

Griaß eich, neutrino und selima!

Ja, des isch scho hundsmiserabel mit dr Rechtschreibreform, gell? Daß mr so lang uff des große ß warte miaße!

:-)) Genau, nochd häddsch des ville Schdroah glei gseacha. Warommr des wohl so sächt?

Wia gotsdrn noch emmr so?

SD3le - desch ja nedd, daß Du oo no dau bisch. Griaßde.

Weil der, der des mit em Schdroh isch, alloi uff demsälba nächdiga muaß?

Mir goht's em Wesendlicha guat, em Rescht vo dr Familje au.

Sd3, jo, ond Dei Nick mit ma Dobbl-S am Ofang dät bled aussäa.

Weil ma mid am Schdroemaa odr Schdroeweib voerlieb nemme mueß. Abr im Kluge isch die Gschichd no lengr ond god bis ens viezed Jorhondrd zruck.

Bäh, noi! Schdroahmaa - gwieß ned. Dau ratsche liabrsch a wengale mid meine rial frends em virdualla Hoigarda.

Isch hodd gaa nedd gewissd, dasses aach Haubdschdaddschdrohh gebbd ...

Vrzehl, goht's Eich au guat?

no me bré, en ra jedra Haubtschdadt gibt's en Haufa Schdroh. Uff jedn Fall en Haufa Schdrohkebf ...

Ha joo, os goht's au guad. Grad naus. :-)

No me bré, koi Ahnong, obs endr Haubdschdadt au a Schdraoh git. Dau hanna hots Haifa :-)

Kommet'r mol wiedr en onsr Haubtschdadt?

Vor hommr des scho a Weile - enzwischa hommr ja mindeschdens vier guade Argumend. Sendr deamnägschd amol längr furd?

En de Pfingschdferia semmr mindeschdens oi Woch net do, vielleicht au boide. Ond iebr Oschdra wahrscheintz au (abbr do bloß iebr de Feirdag). Dann erscht wieder Ende Auguscht/Ofang Sebdembr.

Des oi odr andr Wochaend isch halt au scho belegt. Ond Himmlfahrt iebr den Briggadag bis zom Wochaend au.

Heiligsblechle, hond ui and schdrenga Derminblaa ;-) I meldme mol oflain.

Iatz drommld ds Koobfweah so arg, daßne da Glabbrechnr ausschalt ond no a wengale raschla gau. Guads Nächdle.

Dann erhool Disch gudd !

Ha, wemmr halt an de Schulferia hengt. On dann hao i des Johr jo au onser *nuschl* ..jährigs Abi-Dreffa. On Bsuach vom Nordpol griaga mr au (noi, net aus'm QZ).

Schlof guat ond Deim Grend guade Besserong.

Wo isch eigedlich dr Manne abbliaba?

Dea ess graad ganns owwe geween, beim Hermann Hesse seimm Gedischd in Änglisch gesuuchd ...

Naja, wer do oba schwebt ond sich hochgeischdig iebr dr Hermann aißert, kommt halt schwer wiedr doher rondr. *gg*

Ond ommara vierdl Älfe moint d'Edith, dass i jetz demnägscht en's Bett geh.

Guad Naacht.

Isch hanne doad joh' nua gesiehn, weil isch doad aach geschrieb hann, unn hann de Wääsch nochmool dohea gefunn ... :-)

Schloof guud !



Edith männd jedsde graad, dasse hadd misse off die Ua gugge, fa 'ze wisse, wass väadel äälf ess ... do gewehhn isch misch niee draan ...

I oo id. Abr äer had gmoind http://www.bilder-hochladen.net/files/8f9g-3.jpg "> viedl ibr zene!

Do hasche schonn wedda eh Kaad gefunn, die wo middedoasch doad wo isch woohne eh' Grenssschdrisch hadd ... awwa bei unns ess dass veadell noh' zeehn ... rechds unn lings defonn ...

Sodale - damit d'Hoggezeschreibeze ned aufd zwoit Seita rutscht, vrzälle ui no schnell, daßnes Schroah glei zom Haus nausschmeiß ond mei Abschdinenz widdr erneir!

Machats guad.

Ha, jetz hosch oimal die Abschdinenz net eighalta, no macht a baar Mol meh au nix aus.

Isch hann graad im Feansehn eh' Dissgussion iwwa Dialeggde geheead, foa allem di doh' aus deh' Geehschennd ...
http://www.swr.de/nachtcafe/index.html
http://www.swr.de/nachtcafe/-/id=200198/nid=200198/did=7624922/1ibc3af/index.htm...
... fieleischd indresieads joh' jehmand von Eisch ... dass gebbds deemnäggsschd aach inn irschendnah' Mediadeegg beim SR odda beim SWR ...

Danggschee, muaß i mr mol en Ruah ogugga ... obwohl i den Backes net so arg mog ...

On jetz, ommara vierdl ois, vrabschied i mi. Guad Naacht.

Guada Morga.

Vo mier oo!

dEdidd lad ui ommare viedl uff zwelfe ausrichde, dass i Heizobed im Fernsä komm! Se bringed mi, wie i heid Namedag om zwai uffm Odejonsbladz zMinke bi !!

*glückstrunkenhereintaumel* *träneausdemaugenwinkelwisch*

Dr Bua hod bschdanda!!!

Applaus! Woas hatr denn bschdanda?

Dia Aufnahmebrüffong aufd weidrfiahranda Schual - en Geschdaldong.

Mei - so a Gligg!! I be am Blärra, so gfreidme des.

Schee!! I frei me au fir Eich. Gradulier em Bua rächt herzlich vo ons.

Ja isch des schea - Graddeladzioo :-))


PS Uff dr Demmo haoni grad dIrene droffe!

Dô gfrei i mi au mit, schee.

Des muaß abr a kurze Demo gwesa sei, wenn du kurz vor drui scho mea in am andere Fada poschtet hosch.

Dea hadd beschdimmd so eh' Delefoon, medd deem ma von unnawäschs sei Leo debei hadd ...
Odda ? Wann kommsche eischendlisch im Fäansehn ?



Selima, aach von mia : Gliggwinsch !

Ich do misch moim Vorrädner aoschließe.

Maulwurf, schee, dass Du Di bemiehsch. ;-)

Guada Morga. Mol gugga, wia onsr Wahl heit ausgoht. Isch uff jedn Fall schbannend.

Guede Moege! Ond i bi oo gschbannd, wie die Wieddebäergar wäled, ond dBadar oo, om Pfelzar!


edidd fiers Maisle ädd Siehe auch: behend = behänd? "> behend-behänd: a kuuz gschlosses e im Ondrschied zom ä brenged moine bloß mier Schwobe zemed. De andre Sembl isch des zschwiereg ;-)


no a edidd ommare viedl uff oins: http://quiz.sueddeutsche.de/quiz/2081642091-baden-w%C3%BCrttemberg "> Deschd ibrs Lendle in dr Esszedd - 8/10

Ha, 10/10 ... ond koin vo denne Tschokr braucht.

Abbr dia Froge bzw. Andworda stemmed net alle. So koscht dr Rickkauf vo denne EnBW-Oteil 's Land meh wie 4,7 Milljarda wemmr's genau nemmt. Des war bloß dr Bedrag, den die Elegdrißide de Froohs griagt fir die Akzija, die wo 's Land vo denne kauft. 's Land hot abbr de andre Odeilseigner uffgrond vom Akzijagsetz au a Ogebot macha miaßa. Ond i weiß, dass viele Gmoindena jetz ihre Akzijah an 's Land vrkaufet. Do komma beschdemmd nommal oinige zig Milljona, wahrscheintz dreischdellig, zsamme.

Ond dann hot net dr Mappus den Geißler als Schlichdr bei Schduagert Oisazwanzg eigsetzt, sondern des hen dia gmoinsam vrabredt. Dr Vorschlag isch urschrenglich au vo de Greane komma (au wenn des manche Greane heit nemme wissa wellet, weil ne 's Ergebnis net basst).

Jetz hao i des Kwiss nomol durchlaufa lassa, weil i hao dia Nommra zu denne Froga, die i grad erwehnt hao, wissa wella. Des isch jetz a andre Rihafolg gwäsa om do senn jetzt au a baar andre Froga komma (drei odr vier neie). Abbr wiedr 10/10 ...

Hoißt dees, Du hascht gwißt, warôm dr Mabbus Mabbi-Schnabbi hoißt? Bischt halt dr bessre Schwaub wia i.

Ja, se hand ebbs gendred an dem Deschd. De Reinhold Maier als Effdebeelar haoni beim äeschde Mol id gwissd. Fier eis bairesche Schwobe isch mankmol bessr, DuSenzle, wemma id alls waiß ibr dNochbaure ;-))

Warom ben i net gfrogt worra. Bloß vo wem des stammt.

Jaa, Du Jurischd! :-))

Also: Hasch Du gwißt, wer dr Mabbus 'Mabbi-Schnabbi' ghoißa hat?
(I hau nedamôle gwißt, dass-d 'r aso hoißt, ônd ehrle gsaggt endressierd's me au it.)

Faschdafempferle, i hao bloß kombiniert. Dann sen zwei Meglichkaida iebrig bliebe. Ond no hao e groda ...

Wo ess dea Faade dann hinfaschwunn ?

Hoi Schwäble! :-)

I bräuchd amol an Rad von em Musikuss. Abr eis seids ja all eher so Klarineddle-Schbielr ond id so Klimbarar, wenn i mi räechd entsinn. Abr vielleichd kennds uib drodzdem aus. Es Kändifehl brauchd nemmli a nuis Klafier, ond da hammr an a elekdrischs dachd. Des kaas nemmli mid in ihr Zimmr nemma, ond oo mid ummzieche, wenns amol zum Schdudiere gohd. Abr weil sei ja a Musische mid Haubdinschdrumend Klafier isch, mießds scho ebbs gueds sei. Weiß da oinr vo uib a bizzle Bescheid???

Es mueß wirkle a eleckdresch _Klawier_ sei ond däff idd bloß a Kiboerd sei! Also es mueß an guede dinamesche Aaschlag hao. Däe wäed ibr an Zuesadz-Mechanismes erraichd ond idd eleckdresch. Ond außrdeam mueß es de volle Tonomfang von am Klavier hao, also achdedachzg (88) Taschda ensgesamd - weiß ond schwaz middanand.
Drom koschz oo zemle a Geld.
Mei Menknar Freind had ois vo Kawai. Dr ammäerekanesch Freind had ois vo Sony.
In am Klawiergschäfd mißdesch do abr scho normalarweis a guede Beradong kriege. Ond vom Klawierlerar oo - vieleichd god däe ja mid zom Aaluge.

I hao mi ascho a bizzle voeriformierd. Des middeare 'Hammermechanik' ond deane 88 Daschde hao i mir oo scho denckd. Die Marke, die i mir pferleichd ausguckd hedd, wäern 'Korg' odr 'Roland'. Die beschdn scheinen die vo 'Rhodes' zu sei, abr oobezahlbar.
Was isch iedz fier di "zemle a Geld"? Moinsch dassmr fier ondr oinahalb dausend was Gscheids kriegd?
Des mibbm Klafiergschefd (ond oo eisrm Klafierschdimmr) des isch so a Sach. I hao allad des Gfiehl, dass die auf die Marke eigschwoere send, dies hald em Gschefd hand...

Ah ja, ond wäegam dransbordabl sei, hedd i an a 'Sdeidsch Piano' dachd. Moinsch des wäer ebbs?

I ka aingdle idd mäer sage, idd zom Breis ond idd zur Marke. Wennd em Gschäfd idd drauschd, no frog doch de Läerar. Ond no fersch uff Menke zom Lindberg in dr Sonneschdroß, do kennebr no glei an Kafee middand drinke hendrhäe!!

edidd: Ond nemm dei Fehl mid, dasses ausbrobiere ka. Sui mießd se ja wohl fiele druff, mibbm Aaschlag ond so.

Fier des Geld so ommare daused Eiro bis fuchzehondrd soddesch scho ebbs Gscheiz kriege. Kasch ja amol noch E-Piano gugle.

Dia alde Fender Rhodes sen subbr fir Jazz ond Soul. Abbr dia mit 88 Taschta (ab em Modell Fender Rhodes Mark II hot's die sowohl mit 73 als au mit 88 gää) sen abbr net richdig transportabel, weil nemmlich sauschwer. Ond die werret seit etwa zwanzg Johr nemme hergschdellt. Sen abbr gsuacht.

Mir hen a normals Klavier, koi so a eleggdrischs. Glomp neimodischs ;-)

D'Edith moit, dass viele vo denne Steidsch Pianos 73 Taschda hend.

Wär gscheidr, du dädesch druff schbile schdadd romschembfe ;-)

Do isch a Fender Rhodes Mark II Steidsch Piano 73: http://cgi.ebay.de/Fender-RHODES-MK-II-STAGE-PIANO-Seventy-Three-73_W0QQitemZ190...

Ond do a Fender Rhodes Suitcase (au 73): http://cgi.ebay.de/-Fender-Rhodes-Suitcase-Piano-26-Woche-1979_W0QQitemZ23059725...

Manne, wenn e doch koi eleggdrischs hao, wia soll e dann dodruff schbiela?

Grießdi, Schdiggle! :-)

manni, iedz hao i amol aufdr Endrnedd-Seide vo deim 'Lindberg' guhgled - des war oo scho endressand. (Ond Schdiggle, da hend scho die meischde Steidsch Pianos 88 Daschde.) Abr deir kahs scho weare...

Mir hend scho oo a 'normals' Klafier, abr des isch no mei alds, auf deam i schos Klimpere glernd hao, abr iedz hod mis Kändifehl scho eddliche Johr iebrfligld. Ond iedz hd äebe ledschds Joh däer Klafierschdimmr gmoind, dassmr ihr mei Klafier fier des, was sei schbield nimmr zuemuede ka. *bfffffffff*

ädd Schdiggle: uf am akuschdesche ka ma ja oo schbiele - sogar sedde wie du, die wo idd bis achdedachzg zelle kenned!

Wenn se so gued schbild, brauchze oo a wirkle guez Inschdremend. I waiß des noo gued, was fiera Rieseschbrong des gwe isch, wieni meine guede Klarneddla kriegd hao. Do machz oifach richdeg Schbass, wemma so differenzierd ond gnau druff schbile ka wie ma s mechd.

Manne, i hao bloß gmoit ... Zmendescht friejr war des so, zu derra Zeit, wo-n-i schdudiert hao. Abbr do hot mr a Fender Rhodes au no nei kaufa kenna ...

Manne, i ko au uff ma akuschdischa net schbiela, hegschdns a bissle romglimbra.

Wahrscheinds mueß i wirkli alle megliche Fachleid frage ond oo no en verschiedene Gschefd middr Fehl gange, damid mr si a Bild mache ka. Wenndes bloeß id allad so zeidaufwendig wäer. I däd mir hald wensche, dass mr oinr sage däed, däes isch id gued gnueg, abr däes wäer ibrdriebe, des broochds oo id, allzo nimmsch des, ond nacha mach i des, ond gued isch. Abr laidr funkzjonierd des nie so...

Kosch net de Klavierlehrer froga, was 'r moit?

Ond jetz vrabschied i mi. Guad Naacht!

Des wäer i scho als nekschds mache, abr des isch a Pianischdin vom alde Schlag; da bi i mir gar id sichr, ob die ned glei sage däed, dass so a 'neimodischs Zuigs' nix isch. Andrerseids hendse vo dr Schuel oo ganz viel Konzerde ond Aufdridde, da mießds aingdli oo a bizzle an breidere Horizond hao.

Ond iedz mueß i ens Neschd gao; die Sommrzeid machd mi so ferdig, i fall glei vom Schduel ond i gsiech scho allz dobbld. - Ond noi, i hao koine dobblde Wissgi drunke...

Na wensch i allzo oo a gueds Nechdle!

Ond i hau iatz au d'Näs vool vom Korregiera. Aus. I gang ens Beddle.

Schlaufat guad, Mädla ond Buaba.

Lupfffff

Isch dô äbbr?

Isch binn doo.
Isch hodd zwaa geschda de Faade gesuuchd, awwa bei de elegdrische Glawwiere konnd isch ned medschwädze, do hodd isch liewa noch eh' bissje Mussig geheard unn in demm Diamannde-Faade ingeschdelld ... bei Deim Schdreehmungswiddaschdand newedraan hodd isch ehja an eh' leischda Wind gedenggd, isch wah' nua ned sischa unn hann liewa nix gesaad ...

Selbsch wenn idda sichr bisch, kasch du immr äbbs schreiba. I honn no nia an Scheiß vonrdr gläasa. S'war immr älls guat.

I ka beim Glavierschbiela au id mitschwätza. I honn kois, un wenne ois hett, no kennte bloß Alle meine Entla drauf schbiela.

Freitme, dassda no fr me dô warsch. Duatmr loid - lo siento - abr i muaß scho wiedr vrschwinda. Morga geits wiedr an langa Dag.

Winsch dr äbbs! Schlof guat un dreim äbbs schees. :)

Jooh' kannisch faschdeen, isch hann aach eh' aanschdrengendi Woch unn daasiwwa käh' Indanäd ... unn de Wägga geed moins fiel se frieh loos ...

Dia aach : Guunnaachd !


... unn Dangge fah' deene Kommendaa !

N lubff i amol a bissle, falls ois vorbeikudd ond des Fädele id glei finde däd so weid dahenda!

Isch hodd de Faaden aach schonn famissd, hodd awwa noch käh' Zeidd 'ne suche se geen ...

Au lupf. Mei Taschdadur lot sich grad id vo azerty auf qwerty umschalta - sa m'ennerve...

Au lupf. Mei Taschdadur lot sich grad id vo azerty auf qwerty umschalta - sa m'ennerve...

Ganns fonn allään ? Wie geed dann dass ?

Isch hodd aach ehmool fa änna Daach eh' Reschna med 'na azerty, do hodd isch misse 'mem Aadla-Such-Sisdeem schreiwe, fa beide Hänn ...

Mir kennet vo da oina auf dia andr swidscha. Dia Franz fr mei Dings, dia andr fr mi. Etz gohts wiedr.

Muschd Du Dei Reschna aach noch dääle ?

Dschuldigung no me bré, danne geschd so klanglos vrschwunda bin. Urbletzlich isch nixme ganga.

Un heit bine miad aufgschdanda un allno miad un gang demnäggsch ins Neschd.

Isch do äbbr?

Wenn i äbbr bi, na isch do äbbr...

Ond i bi oo allad hundsmiad ond fiehl mi hundsmiserablig, abr fier mi isch da bloß die $%#&%$#§-Sommrzeid schuld!

Isch binn off 'na Schulung, doad hann isch zwaa Indanädd, awwa isch kann misch näd inlogge doh' beim Leo ... dass ess aach ned bessa, nua oomends, wenn isch an meim eischene Reschna sedse ... unn die bleed Umschdellung schdead misch aach, mia fähle die doh' Woch jeedi Naachd zwäh' Schdunne Schloof ...
... aussadeem dreggt sisch graad de ledschde Weisheidszaahn doarsch, jedsde, in deem Aldda, unn de ganse Kiefa dud weh ...

Weisheidszahn, aua-autsch! Na hoffendli mueschn dir id glei wiedr rausrubfe lao...

Wie lang bisch nacha auf deinr Schulong?

Dass dauaad ... doh' senn Braggdigums dezwische ...

Nô bisch du ja no a junga Hupfa, wenn se dein Weisheit grad Bãã bricht. Abr nach dr schwäbischa Zeitrechnung wersch eh erscht mit vierzge gscheit.

Die feazischah' binn isch graad amm abfeijare ... ess wunnadd misch sellwadd, dass daas jedzade nochemool anfanggd ...

edit: Jiez haoni gaanz viel gschriebe kedd, laudr fiechdeg indressande Sacha, abr i hao alls mea glescht!

Mid Absichd odr vrsäehendli?

Abrillabrill!

De easchde Abrill ... joh' mei Schwäschda hadd heid Geboadsdaach, unn se geed nedd ans Delefoon ... waascheinlisch hadd se misse schaffe geen ... dass hann isch noch nie gemachd ...

*em manni die Zung rausschdreck*

Was hasch no nie gmachd, bréle? Am Geburdsdag gschaffd?

genau, isch hodd imma reschdzeidisch Ualaub beanndraacht ... isch hann middlaweile aach es Schwäschdasche anns Delefoon gried, es waa äänfach feire geween unn hoods ned geheaad ...

Kendr, Kendr, wo sen Ihr bloß nogrutscht. Do lupfd mr sich jo en Bruch.

Grießdi Schdiggle! :-) Feirobed?

Griaß De, candice.

Feirobed? Hmm ...

's war uff jeda Fall a arbeitsreichs Wochaend. Gescht ben e bis noch Mitternacht em Birro gwä, heit seit em Neine nommol guat vier Stond lang ... abbr heit Nochmiddag hao e nix gschafft.

Ond Du? Nix zom Korrigiera? ;-)

Was meinsch warom i am Kombjudr sidz???
Abr s'schrifdliche Abbiduur näherd si dr Ferdigschdellong (inzwische bi i sechzg Schdund dragsesse), iedz arbeid i am Kollokwium fier nekschd Woch.

Wemmr id grad Läehrer isch, sodd mr am heilige Sonndag abr nix schaffe, gell?

Abr heid gang i frieh ins Neschd. A bizzle Luxus brauchd dr Mensch...

Au, Ihr hend scho des Kollokwium? Des wird bei ons jetzt nei
eigfiehrt. Des neidrinido wird des -wenn's will- en zwei Johr hao.

Dei schrifdlichs Abbiduhr näherd sich dr Ferdigstellong? Meis hao i scho vor *brummel *nuschel* drölfzig Johr ferdiggschdelld.

Wemmr id grad Läehrer isch, sodd mr am heilige Sonndag abr nix schaffe, gell?

Hmmpf, sag des mol de Mandante. En Deil vo onsrem Honorar isch halt Schmerzensgeld.

Kollokwium? Nei? Des hao i scho ghedd! (Ond des isch oo scho drölfzg Johr häer...)

Des Abbidur, was grad isch, isch des ledschd G9 bei eis (allzo no so wie i's scho ghedd hao) mid zwoi Leischdongskurs-Briefinge schrifdlich, oinr Grundkurs-Briefong schrifdlich ond oinr Grundkurs-Briefong eba allz Kollokwium mündlich.

Der erschd G8-Jahrgang fängd mibbm Abbiduur zwoi Woche nach Oschdrn aa, ond die hend koine Leischdongs-ond Grundkurse mehr, ond mießed en fembf schdadd en vier Fechr Abbiduur mache, ond hand en zwoi Fechr a Kollokwium.

Ach so, die mindlich Briefong hoißt bei Eich Kollokwium.

I hao jetz nomol nochguggt. Bei ons heißt des au so. I hao des vrwechselt mit derra "Besondara Lernleischdong" mit ma "Seminarkurs", bei der au no a Kollokwium komma koh.

Bei ons heißa 11 ond 12 jetz nemme 11 ond 12 oddr Obrstufe oddr so, sondern "Kursstufe 1" ond "Kursstufe 2", mr hot wenigr Wahlmeglichkeida, Mathe, Deitsch ond a Fremdschbroch vrpflichtend vierstendig ond als Abibriefongsfächr ond dann no zwei andre, wobei mr alle Aufgabafeldr (sprachlich-literarisch-künstlerisch, gesellschaftswissenschaftlich ond mathematisch-naturwissenschaftlich-technisch) abdegga muaß. Haubtsach, des neidrinido blickt des.

... mr hot wenigr Wahlmeglichkeida, Mathe, Deitsch ond a Fremdschbroch vrpflichtend vierstendig ond als Abibriefongsfächr ond dann no zwei andre, wobei mr alle Aufgabafeldr (sprachlich-literarisch-künstlerisch, gesellschaftswissenschaftlich ond mathematisch-naturwissenschaftlich-technisch) abdegga muaß.

Des isch allz bei eis desselbe.
Ond i gloob, d'Schüelr blicke des scho. I war bloß amesierd, als i voer kurzem midkriegd hao, dass a baar Kollege vo mier (die sogar des Johr G8-Abbiduur hend), no id midkriegd hend, dass d'Schüelr iedz en zwoi ond id bloß en oim Fach Kollokwium hend. De sodd mr pferleichd scho wisse. *gg*

Hmm, des sott mr abbr gwieß vielleicht scho wissa.

Abbr dia Kollega hend scho mitgriagt, dass mr nemme Nota vo oins bis sechs, sondern Punkt von null bis fuffzeh gibt? ;-)

Des scho. Da hends ja iedz scho oogfäer fembfazwanzg Johr Zeid ghedd... *gg*

Ond iedz gang i raschle. (Wahrscheinds krabbleds dann all aus die Lechr, die andre liebe Schwäble, abr dann ischs zschbäd fier mi - bfff)

Guez Nechdle, Schdiggle! Wensch dr an scheane Mondag!

Guad Naacht candice. i wensch dr au en guada Start en die nei Woch.

Ond i gang dann jetz au.

Die Amsla schreied so laud, dassba die kloinre Vegl schier id häerd. Drodzdeam an guede Moege :-)

Etz schreit gar niggs meah, weil's rengnat.
Heit friah han-e wieder amôle die ***Dauba vrscheicht vo meim Balkôo. Dia went dau omzvrregga nischda :-((

Drodzdeam an guede Moege :-) (c) Manni

Bei eis isch des oo so a Gfredd midde Dauba. Ond oine von ar obre Wonong zamsrez no egschdra häe ond schdreid Äerdniss!! Schad, dass i mei Lufdgwer nemma hao. I hao mr scho ibrlegd, ob i mier idd a Gommischleidr bäschdle!!

Abril, Abril - heit isch da Viard un id da Erschd!

Am Manni au d'Zung rausschdregg. Woiß zwar id warum, abr vielleicht willerse jo säa.

An Belag hasch!!

Vielleischd ess dass joh' nua dass belleede Breedsche vom Ommendesse, dassa noch nedd runnageschluggd had ...

dMajonäs?

Wääh...

Du oo!! Candida Bilz - bassnd zom Name?

Dobbl-Wääh!!!
Ond i zeig dr mei Zung fei idda! I sag bloß 'wääh', weils äebe 'wääh' isch!

One Zongezaige ka ma gar id Wäää sage, oo du idd! Brobiers amol voerem Schbiegl ;-))

I honn koin Belag auf da Zunga und rausghengt honnese bloß wellse unsr Siaße se em en 235 au rausghengt hott.

Bei mir hangt nix raus, Gott sei Dank.

*inn Schbiegl guck*
Wäääääääh!!!!
Allzo i ka des... I woiß jo id, wie Du 'Wääh' sagsch! Bei mir isch d'Gosch offe abr d'Zong drinn.

Iddamol a Daschadiachle ausm Hosasack, Schdiggle?

So i bin scho wieder wegg. I gang etz d'Schdiaga nauf un dua mei Zunga birschda. Da Dings isch scho doba.

Schlofet guat!

Guez Nechdle!
Eis seids ja äechde Friahschlofegäehar...
Na gang i hald oo. I mießd no so viel schaffe, abr mir falled heid d'Ooge zue.

Moi gab, noi, net amol des.

Guad Naacht Ihr Schlofmitza! Schlofet guad!

I muamr heind no a wengale d'Zeit vrdreiba - mei Brood isch no ned gnua aufganga.

Huhu Selima !
Noodemm seh' foahinn all hann ins Bedd geehn wolle, hodd isch ned gedenggd, dass heid ommend noch jemannd doo ess ...

MId miar kaamr au normalrweis ned rechna z'aubnds - des war frianr au andrsch.

Desch nedd, nomebreele, daßd no dau bisch. Was duaschn Du om dia Zeit no?

Ja, zmol dauchd ebbs ussm Siehe auch: "> nix auf!

Sodd oim zom denga gea, wann ausm Niggs ebbs kommd. Fissikalisch ned logisch.

Ja, des isch gschbässeg! Ma sed doch allad: Vo nix kudd nix! Abr vieleichd egseschdierd ja Nix näebem Fissekalesche?

Wann vo Niggs niggs komma duad ond des neabrm Fissikalischa egsischdiera duad ond ebbes au ausm Niggs kommt, noch isch Ebbes niggs und as Fissikalische isch lear, ball ja ebbes ond niggs ausm Niggs kommat.

Isch fasuche misch aach graad an friache Schloofenszeidde se geweehne, dass ess awwa ned soo ähnfach ...

... awwa kommd ned die Fisigg ned aach aussem Nix, weil wenn de Uagnall waa, dann waa jo alles foahea nix unn jedzade esses alles doh' unn die Fisigg fasuchdd se faschdeen odda wenischdens se eaglääre fa waas ...

Ess wenischdens de Brooddeisch meeh genn ?

Desch iatz a fillesofischa Fraug - ob iatz, wann d'Fissig lear isch, voram Urgnall niggs gwea isch.

Dees mim Brooddoig isch so a Sach. Normalrweis maches Brood am Wuchaend ond gugg drbei ned aufd Uhr. Wannz gnua ganga isch, nochd baches halt. Abr ondr dr Wuch däde gera ommara zehne ens Bedd mechda, ball mei Weggr ommara fempfe schon mear schella duad. Iatz isch abr dr Dengs ondr dr Wuch furt gwest - alzo hommr wengr Brooad vrbrauchd, alzo bache erschd heind - ball a aalds Broad mog au koinr. Zudeam honne a rains Vollkornbrood gmachd ond des isch äbbl a wengale laahmarschigr alz wia oinz midam normala Meahl (ob Rogga odr Woiza isch wurschd). Ond so hogge hald heind dau ond ward. Abr enzwischa isch's em Ofa.

Wenns an Uerknall gea hadd, no mueß ja ebbs do gwe sei, des wo knalld had. Vo nix duez doch koin Knall ond vo nix god oo koi Broddaig id auf! Des isch doch dErfendong vor Häef ond vom Saurdaig ond one die isch des beschde Brod nix!

Isch glaab, heid ommend ess dass Brood wischdischa alls wie die Fisigg odda die Filosofieh'
... losses nua ned fabränne, sonschd hasche nämlisch nix defonn ... :-)

Dau hosch woohr, nomebreele. Drom gange iatz nondr ond hoggme voran Ofa ond bewachas Broad, daßas ned vrbrennt.

Guads Nächdle, nomebreele ond manne.

Guunnaachd unn guud Brood !

I riechs ja bis do häe - hmmm ... :-))

Nach de neieschte Forschunga is nix dô gwea, bloß a Vakuum. Dô hots Quantafluktuationa gea, do draus isch dr Urknall entschdanda. De Fissik en onserm Universum kã bloß erklära, waroms bei uns so isch, wias isch. In am andera Universum kãs andersch sei (schaugsch: Multiversentheorie.

Weils do hinna mid deam Onnewersom bald rom sei wäed, haoni amol a andrs gmached do deana en dr andre Weld! Dedd nomm kennebr no auswandre, wenns do hinna z vol wäere sodd.

Hemele, die binded oifach a nuie http://www.sueddeutsche.de/wissen/kosmologie-der-urknall-war-nicht-der-anfang-1.... "> Kwanteschlaife an die Grawedazio dra na, ond scho hanze a nuis Hemele! Gib no obachd, dasse dr bFengr id eizwicked in däer nuie Schlaife!!

Heidenei, des gohd fei id, dass mr uib allad aufdr zwoide Seide sueche mueß. Habdser so lnag iebrs 'nix' schdudierd, dass iedz koinr mea nix schreibd?

Iedz lubff i amal ganz feschd! *hau hau hau ... RUCK*

*edit* Ond iedz bi so erschöbfd, dass i glei ens Neschd gange mueß. Des habds iedz drvo!

Hallooooooooooo!

...hallo...allo...allo.........

Des war iedz des Äecho. So läer isches da heanna. Draurig...

...hallo...allo...allo.........

Hann isch doh' doch wass gehead gehadd ...

Jah, der Schall allän ess hald nedd soo schnell

Des Echo brengd mi uff die Gschichd mid deam weldberimde Echo vom Kenexäe:

Do blosed allad oir uffm Turischdeschiffle middr Drombede ind Echowand nei ond no god a mibbm Hued rom. Die Dechnickar im Hafe krieged abr nix vo deam Drenkgeld. No sei amol oir middr Drombede in die Echowand neikäzed ond häb jezmol a falsche Melledi zruckblosed ond die Turischde häbed naddierle koi Drenkgeld gea, sondrn häbed räechd drecked glached! Die Kerle vom Schiffle seied blueznared gwe, s häb an Rieseschkandal gea - abr se häbed dean Browekaddeer id vrdwischd.

I waiß abr id gwieß, ob die Gschichd wor isch. D Hand däd i idd ins Fuir lege drfier, no drzue, wo des bei de Baire, deane Schbruchbeidl, bassierd sei soll!
Se non è vero, è ben trovato, däd dr Iddalenar sage ;-)


Abr abxea vo deam: dr Kenexäe isch fier mi ois vo de scheanschde Fleckla uff dr ganze Weld!

Manni, woisch da Kenexäa?

Doh' essah' : http://maps.google.de/maps?hl=de&newwindow=1&q=k%C3%B6nigssee+bayern&um=1&ie=UTF... ... gaaans unne, in demm Zibbell, doad woos anfangd gans scheen schdeil ze genn ...

Danke bréle :)

Do send http://www.google.de/images?q=K%C3%B6nigssee&oe=utf-8&rls=org.mozilla:de:officia... "> a baar Bildla. Honda geiz vil Turischde. Abr ma brauchd bloß a baar hondrd Häechemeddr bis ins Baradies :-))

Schee, schee, schee, Manni :)

Duatmr loid, bin schowiedr wägg :(

Siehe auch: Hoigarde "> Jiez bin i gschbannd, wäe no alls kudd, biss mr do deana weidrmache mießed :-)

Bin do ond scho mea weck...

Abr erschd mueß i no ebbs vrkünde: grad hao i en ledschde Schdrich am schrifdliche Abbiduur gmachd! (Iedz däd i ja en Lufdschbrung mache, wenn i id so malad wäer). Middr Nachkorrekduur von dr Kollegin war i iedz 68 Schdund dragsesse. *schdolz sei* Ond es Kollokwium hao i oo scho hendr mir. Dafier fang i nekschd Wuch middie mindliche G8-Briefunge aa. Abr dr Kauntdaun bis zu die Oschdrferie läufd scho...

Ond weil mei Nees oo läufd ond dr Schedl brummd ond dr Hals kradzd, gang i iedz ens Neschd.

Guez Nechdle, liebe Schwäble! (Zueschberre mueß wäer andersch doheanna)

Do hasch ja ebbs Tolls zom vrkendige :-))
Des geid an nuje Feierdag: Zickarles Vrkendigong!

Ond als nägschz kudd Zickarles Hoimsuechong: Schdadd dassd zuer Base Elisabedd gosch, ferschd uff Menke, kofschd a eleckdresch Klawier ond mier drenked middand an Kafee :-))
Do hollebr nocha de Lufdschbrong a baarmol noch!

Mi mittam siaßa Mädle frei, schdolz aufs bin un hoff, dass die andr Seit vom Gartahog sich no lang ruig vrhelt. Mithilf, dasses auf de 300 zuenegoht. Alle Schwäbla an neia Dag winsch. Heit Obnd id reiluaga ka, me abr etz scho beim Manni fr da Neie bedangk.

Häff a neis Dei, bonne Schurnee allemidanand!

VEGALE AI MISS JUU!!

I gang jiez amol zom Radle.

Wenns vol isch, Siehe auch: Hoigarde "> gandr do nomm!

manni, ma wisses joh' jedsde langsaam woo's noohhea weidageehd, sollde ma nedd easchd ehmool doo dänne Faade follmache ?
:-)

Damit zua is.

Damit zua is.

Damit zua is.