Also i be guad dâ henna âkomma ond sag amòl uff dia enzwischa eigebirgerde Art *angemällbin* (©

brele).

Ond kâ ao glei beschdädiga, dasses Haglkernr send. Ond dia schlagad jâ nedd blooß de Wengerder 's Zuig zamma, des isch deane grad egal was dâ onda grad wachsd. Oddr geits bei eich am End gar nia nedd an Hagl? Des wär fir eich sauguad. ;-)

Doch, erscht letschte Woch. Bei mir hots bloß trepfelt, abr driba in Byzanz wared Schdroße alle grea, bals so viele Blätter naghagelt hot.

*aangemälldbin*

:-)

Danggescheen, Faadebabba !

Manni, du hòschd nadierlich recht. Dia vo mir âgfierde Gwelle vo Dettinga schreibt ao vo Schlossen. Vom Konteggschd her war mir ao klar was gmoind isch, abbr ao uff hochdeitsch war mr der Begriff obekannd. Em Gegasatz zom Duda, der kennd dean. Uff dr andra Seit dät dr Schwâb des normalerweis abbr, analog zu geschlossen/gschlossa, gegossen/gossa, verschossen/vrschossa etc., als Schlossa ausschbrecha. Ond dâ drzua hao ne nirgends nix gfonda.

Ond nadierlich hend me em Eifr des Gefechds maine Maniera vrlassa. I mechd me ausdrigglich deam Dank vom Brele an dr Fadababba fir dean nuia Fâda âschliaßa.

Merssi bokule, Manni, fr da neije Schbaga! 🙂

I kenn dia Konkungdiv au, abber ehrlich: i woiß edda wann i des in agdiva Wordschatz iebernomma han. Vrschdanda han-e-s vrmutlich scho vor dr Schual. Also i glaub, mr lernt des scho intuidiv, abber velleicht erscht em Schulalder, des kööt durchaus sei. Abber was d' Raudona moint isch jò vrmutlich, mr dät des grundsätzlich ersch durch da Deitschonderricht kennalerna, on des isch Bafl.

Schee, dei Galerie, opale!

Soo scheane Foddos, Obbale 😊

Opale, wann des idd so weid wär, dau däde oo gera a wengale ambuliera!

I bee heid beira Fortbildong gwea mid DoilneahmAr aus ganz Bayern - ond bei de moischde hadmr no soo schea heara kenna, wo dasse hearkommat (sogar bei deane ausm Ruhrgebiet;-). Deschmr a Feschd gwea :-) Oinr isch oo vo Fiassa - wann dear gschwätzt hot, honne abbl anda Manni dengka mea.

Fieße - dees isch bloss viezg Killemeddr vo dahoi 😀

Do semmr am Wuchenend efdr mohl naufgradled ond hand Brauns Rosmarie bsuechd, die wo uffm Teglbäerghaus Bedinung gwe isch. Sellemohle habba no zFueß zwai Schdund naufgao mieße, heid geiz an Lifd!

Emmerle, empfehlenswert isch 's uff jedn Fall. Blooß, wenn 's a Weile nedd gregnat hòt nâ kâ 's sei, dass dr Wassrfall nedd fälld, sonder drebfeld. Nâ dät was fehla.

Mai äldaschde Dochdr wird am Wochaende Vierzig ond i hogg grad mid rauchndam Kopf an ma Gedichd fir Ihr Geburdsdagkard. So richdig zfrieda be ne no nedd mid maim Erguss. Ond fir d' Vorderseide vo derra Kard hao ne ao no koi gscheids Modif. Abbr ondrm greschda Drugg kommad maischd dia beschde Idea. Hoff e wenigschdens.

Wa moinad Ihr? Kâ mr des so lassa?

Jâ, …., jetzat isch 's soweit,

es geit an Schbruch seit aldr Zeit,

dass d' Schwòba, wenn se Vierzich send

au d' Gscheitheit glei erworba hend.

Doch wenn mr 's gnau nemmd, merggd mr au

der Schbruch gilt gar nedd fir a Frau.

Doch weil so Schbrüch meischd gar nedd schdemma

brauchd mr se nedd ernschd zom nemma.

Drom druggad mr dr Dauma heit,

dass an dem ganz besondra Dag

am Morga duad 's an Donnerschlag

ond Du bisch gscheit.

Gell, des wär schee,

's duad au nedd weh.

Gäbale, dangkschee. I hao no a bissle drâ gfeilt, abbr mai Greadifidäd war heit a wengale arg zäh am Fliaßa. Abbr jetzat isch ferdig ond die Enna- ond Außaseit vo dr Geburdsdagskard ausdruggd. Zugschnidda wird se morga.

Dr Plural beim Daumadrugga isch iebrigens deswega, weil mai Frau ond i ons wegam Gschenk zsamma doa hend. Nâ kâ ne ihr Bedeiligong en dr Kard nadierlich nedd onderschlaga. 😉

I hoff blooß, dass e morga Âbend durchhald. Mai Dochdr will dranai feira, weil se am Meedich wiadr schaffa muaß. I be hald ao nemme dr Jengschde ond brauchd dr Scheeheidsschlòf nediger als friehr. 😉

Emmerle, mid deam Eiwurf hòschd mr d' Nachd ond dr folgende Dag greddat. Ond du hòschd me ao no iebrzeigd, dass dr demboräre Verluschd dr eißerlicha Scheeheid zom verkrafda isch, solang dia wahre Scheeheid von enna kommd. 😉 En deam Sinn, wensch e älle a guats Nächdle.

Jâ, a schwere Koschd. Ond des uff nichderna Maga. 😉 Abbr dann halded mr ons hald an dia zwoi ledschde Zeila ond blendad dr Reschd oifach aus.

Solang ons des Gsichd ausm Schbiegl âgrinst, wissad mr jâ, dass mrs selber send. Erschd wenn des grinst ond i gugg narrad nai, nâ wird 's seldsam. Abbr wen des amòl bassiara sodd, mach e oifach a Gegabrob ond schdreck dem d' Zong raus. Nâ isch der narrad ond i grins, ond d' Weld isch wiadr en Ordnong. Genial, oddr?

Ein jegliches hat seine Zeit,

und alles Vornehmen unter dem Himmel hat seine Stunde.

 Geboren werden und sterben,

pflanzen und ausrotten, was gepflanzt ist,

Mankmohl isch es scho schwäer zom aushalde, dass des dr Lauf dr Zeid isch!

Abr s hilfd alls nix: nehmen, was ischd!

Manni, so isch's. Ab ma beschdimmda Alder beschäfdigds oin, abbr mr derf nedd driebr vrzweifla, sonschd beaiträchdigd oddr versaimd mr sai aigne Gegawart.

Kurz gsait: 'S Leba isch a Uffgab dia oim mid dr Geburt ohne Abgabetermin gschelld wird. Ond des isch ao guad so.

A Giedle isch a äjer kloina Baurehof. S heifegr Woed drfier isch Hoimad.

Schdickle fier Grondschick kenn i ibrhaubzd id. I kaa also do gar idd weidrhelfe.

I kenn oo bloss a Giadle, desch a glois Baurawerk, wiamr bei oos oo sät. Dr BesitzAr isch a GiadlAr.

I moin, mr häb des friahner oo "Sach" ghoißa.

Sach kenn i o.

Mai Familie selber hòt kois ghet, aber vo maine Schualkamrada hend ainige Eldrn a Schdiggle ghet. I hao ab ond zua maim Fraind, wenn sai Vaddr eam des âgschaffd hòt, beim beim schora oddr Okraut jäta gholfa.

Gütle wär mr jetzat nedd so gelaifig gwä, abbr en dem Zsammahang be ne schbondan ao uff an kloinra Baurahof komma.

Kugla em Kopf? Noi, uff mi hòt neamerds gschossa. ;-)

Dia Omschreibong fir an schwera Schädl (wenn e des richdig endrbeddierd hao) war mr bis heit no nedd bekannd. Aus logischdische Grend (i will main Fihrerschai no a Weile bhalda) send dia Kugla ao ausblieba.

Abbr i hab emmerhea bis Ois en dr Nacht durchghalda. Nâ no mai Frau gschwend hoimgfahra, dann selbr hoimgfahra, drhoim zom rondrkomma no gschwend vor dr Fernsehr ghoggd, a Gläsle Wai aigschenkd ond om Viere end Kischd ganga. Also wia gsagd koine Kugla, abbr hondsmiad heit. Mr isch hald nemme dr Jengschde.

Abbr emmerhin hao ne dord nach zeah Jâhr wiadr mòl an Badmindnschlägr en dr Hand ghet (mai Dochdr hót fir dia ganze Kendr glei dia kloi Schbordhalle midgmiedet ghet) ond mid ma Jonga a baar Ballwechsl gschbield. 'S isch no ainigermaßa ganga, abbr siehe oba: Mr isch hald nemme .... ;-)

Abbr schdellad eich vor, vo iebr dreissg Leid (drvo dia meischde geborane Schwòba) warad außr mir grad no zwoi äldre en dr Lage mai schwäbischs Gedicht mid dr richdiga Ausschbrâch ond Bedonong zom lesa.

Ach des han-e iebersäha ghett. Schulligung. Komisch, i hett jetz denkt ghett dass "Gietle" echt vrbreidet isch.

Hach, des Bildle mitm Käfer isch abber echt schee! I ben begeischert.

Emmerle, jetzat hóschd me abbr grad a weng ens schleidra bròchd. I hao mr iebrlegd, wo ne bei derra Wandrong an Käfer uffgnomma hao kennd ond hab dia Bilder no amòl âguggd. Koin Käfer drbei.

Nâ isch mr aigfalla, dass du des Bild mid dem langhâârada Kerle moina kennschd. Der Käfer war an Döschwo

alias Ente. .-))

Ach du liebe Giede, isch mir des pheinlich!! An Döschwoh on an Käfer vrwegsla! On des mir, wo i doch bragdisch de gleich Generatzjoh ben wia der langhòòriche hibsche Kerle en dem Döschwoh! (Boah, der hett mir dòmols au gfalla...)

Weil e so schichdern be, lässd me des Gomblimend ganz leichd rödlich âlaufa vor Vrlegaheid. ;-)

Laidr isch zwoi Monad schbädr d' Hälfde dr Prachd der Scher zom Opfr gfalla, weil e bei dr mindlicha Abschlußbrifong an aingermaßa guada Aidrugg hendrlassa hao miaßa. Ond weidre drei Monad schbädr, am zwoida Januar Anno Vieraziebzg morgens om Siebne, isch dr Reschd beim Friseer em Schduagerdr Haubdbahhof gfalla, weil me kurz druff dr Zug Richdong Daun en dr Eifel zwangsweis zom Bund endfiehrd hòt. Nâ war 's vorbei mid dr Scheeheid. Schnief. ;-)

Die Zeiden endern sich....Mei Jonger hòt letschjòhr als Madde-on Biolährer z'Minsinga uf drAlb ãgfanga, on dem sei Mehne isch no a Schdickle lenger wia de dei selletsmòl! Schdell dr des amòl vor, oiner vo onsre Lährer hett so a Frisur ghett!

(Mei graoße Schweschder, Lährere em Ruheschdand, hòt vor a baar Jòhr no gmoint, em Ref, wenner nòt tatsächlich vor de Schialer schdòht, mua-n-r abber dia Hòòr schbädeschdens abschneida! Bfeifadeggl. Hòt-r et gmacht on isch älles brima. I wett dia Mädla schwärmet reihaweis fir den mit seira rotgoldana Loggabracht!)

So an Oba wia Di hädde oo gera ghett (odr bessr: mein Obas, diane boide gera ghett ghabt hab, häddn soddane Idea oo noo zuasätzle hau kenna).

Fr mi war des ewig schad, wiase mei Bua sein wondrscheana Loggabracht rondrgsäblat hot en soara komischa Laune. Abr dr schdiftleskurze Mecki schdohtm oo. Lei sei Barttracht isch grad ned so meis. Abr i bee ja au lei sei Muadr ;-)

Vor a baar Däg hao ne 's no em Assodziadzonsfada glesa.

Wega de Bärt denke emmer, dass dia Mode irgendwann genauso vrbei góht wia d' Oberlibbabärt, mit deane en de Achzger älle romgrennd send. Wa machad nâ dia ganze Barbrschobbs?

Ah guat. Wenndase mòl widder siehsch, schaich se au dòrom, se werr vrmisst!

Nòchdrag zom Thema Gietle / Stiggle: i han em WòtsÄbb-Jòhrgangsdschätt vo meim Hoimetdorf nòchgfrògt, endressande Ergenzong: A Gietle hoißt dòrom eher a Ledle (=Ländle) on isch eigentlich emmer Eigatum. A Schdiggle kã au pachdet sei.

I vrmut enzwischa dass des Gietle tatsächlich reladiv eng regional em Großraum Reitlenga vrbreidet isch (a Reitlenger Fraindin kennts au, die han-e heit gfrògt); scheints ben i doch durch meine vieradreißg Jòhr Reitlenga maih brägt als-e denk.

Jetz hennamer alle sWort ausem Mund gnomma, sodasse garnixme zom schreiba honn. Echd luschdig - honn an Gedangka im Hirn, lies da näggschd Beitrag und scho henners davo. Sogar, des middem idpräsenta Senzla.

Opale, deine Bildla sin geil (i woiß, geil saitma nimme - ischmr abr wurschd)

Hach, meddeme soome roode Änddsche binnisch inn de Neinnzische alls noch erommgefaa (ßwaa awwa nedd meins, isch hodds nua fomme Freind ausgeleend gehadd) ... unn so langge Hooa hoddisch noch nii gehadd ...

:-))

Gietle on Schdiggle.

Erschdamol: a Schdiggle isch oimôlig. :-)

Die ander Bedeidong vo "Schdiggle" isch die i kenn isch di gleich wie die wo d'Goldammr au gmoint hot: a Nutzgärtle (en dem Derfle, wo i uffgwachsa ben, hen die "Kraugärda" (Krautgärten) ghoißa. I woiß net, ob "Kraugärda" a Sinonim fir Schdiggle war oddr ob des dr Noma vo dem Gewann gwä isch. Heit schdehn do Oifamiljaheisla druff.

"Gietle" hao i ao scho ghert, abbr i woiß net, ob des en meim Hoimatdorf war oddr schbädr em Schdudijom en Diebenga. A rächde Vorstellung vo der Bedeidong vo "Gietlke" hao i abbr net. Vom Bauchgfiehl dät i des ehnlich wie d'Goldammr säha, also koi Schdiggle sondern greßr halt. On au net obediengt bloß Nutzgarda. Ob des aber au en Hiweis uff Eigatum (em Gegasatz zum Pachtgrondstick) isch, kent i net beandworda.

Osr Schdiggle isch halt a Gschafthuabr - emmr ond iebrall!

Danke Schdiggle! Mei Hibbothese isch weiderhin gschditzt, dass des mitm Gietle hierrom regional reladiv begrenzt ieblich isch.

Scheene Bilder, opale!

Han grad guhglet wo die Schlucht isch.

Absolut be-eidruggende Bildr, Opale. Leidr a wengle zweit futt vo mir. Abr wahrscheinz bessr fr di. Da hettschme sonsch wia an Klotz am Fuaß. Laufsch du eigendlich immr ganz alloi? Alloi isch zwar räat schee, abr i draumes faschd nimme.

Mir wared geschd dô https://www.komoot.de/smarttour/82139 laufa, henn abr no an Schlenkr dazuagmacht.

Bai ße wei: Alle Babba dô hinna an schena Babbadag winsch!!!!

I häb beinóh gsait, dass des a Makro-Uffnahm vo ra missgliggda Lippauffschbridzong isch. ;-)

A Bliade bzw. Bliadaschdembl vo ra Orchidee?

Haiß 😉

Abr misslongene Libbeaufschbridzong mit Hyaluron wär oo a guede Idee 🤣

Zwoidr Vrsuach: Amarillis? Abbr dia bliaht, wenn e me reachd erinnr, normalerweis em Wendr.

Driddr Vrsuach: Klivie?

Nâch drei Fehlvrsuach scheidad mr aus, gell.

Oin Vrsuech gschdand i dier no zue - ausnamsweis, weils du bisch 😇

I komm nedd druff. Ledschdr Versuach: Kâ mr 's essa?

Ansonschda geb e ab an die holde, bodanisch bewanderde Damaweld.

Esse duebas idd 😕

Abr wisse mechd i scho, wievihl vo dr holde Dameweld in Schbiegl lueged ond ihre Libba kondrelliered 🧐

Kännd dass eh Hibbisskuss senn ? ... nua soo fonn de Faab häa ... unn weill mass meddemene Kuss schreiwe kann ... :-)

Noi, Bréle - koi Hibbi, koi Biss ond koi Kuss 😏

Mir dät no Löwamaul aifalla, abbr des isch jâ koi Zemmrbflanz.

I gang jetzat en d' Kisch, womeglich embfange dord dia geddlich Aigebong. ;-)

Manni, asso, i woiß au id, wa des isch. I honn zersch as Akwarium dengkt. Abr jetz: schö donn ma langk o scha.

I honn grad an Ahruaf in Englisch aufs Händi griagd - mein Ausweis sei missbrauchd worra. Wa binni froh, dasse koi Englisch id ka. Dia Dräggschbatza !! I honn oifach aufglegd.

Oh, mei Kindrschdub: Boschurle au no.

und Edith moint no, i sott am Manni saga, dassen Huckepack draga dät, wenner mitmr wandra giengt.

D'Narbe vonra Lilie?

Gäbale, aa komm, denen hättsch doch en Deim scheaschda Schwäbich vrzella kenna, was dass Du heit zmidaag kochsch. Dia häddn see oo gfreit ;-)

Opale, pferleicht hoddr Manne an Liljenschdrauß fr sei Liabschde kofft ghet ghabt ond vordr Iebrgabe noch gschwind foddografiert.

Woiß mr 's? So an Schdrauß vrschenkd mr abbr blooß an Dama von hohem Gebliete. ;-)

Noi, des isch koi Lilije idd ;-)

Na saggsches oos halt.

Serschde Bild aglueget: Paprika?

An Weihnachtsstern !!!

DAu gugg naa, doch a Weihnachtsstern. Dean Ausschnitt hosch echt guad gweahlt ghett.

Fenomenahl. Hädsch des Rädsel om Weihnachda rom gschdelld, wär e nadierlich soford

ao nedd druff komma. ;-)

Om Weinechde rom hadda abr oo no idd bliehd! S Foddo in #57 isch vom dridde Meez.

Des send Scheahaida im Läebe, die wo ma normalarweis gar idd middkriegd. S isch a Aufnahm midd ar 84ar Brennweide ond ar Voersadzlinse mid +10 dpt.

Soo siid ma mool, wiifill mee dassma meddeme Foodoabbaraad siin kann, alls wii medd dee eischene Aue ... doo kamma noch so genau soo eh Bliimsche aangugge, awwa soo wii off dänne Foodoos siid ma dass nedd ...

:-)

Dr Foddoabbrad ond dia reschdlich Ausrischdong alloi machad no koine guade Bildr. Abgseah vom dheoredischa Wissa iebr Blende, Belichdongszeit etc., isch des Aug firs Objeggd ond des Gschbier fir d' richdig Zeid dr Uffnahm endschaidend. Ond dia zwoi Sacha hòt dr manni ohne jeglichen Zweifl. I ziah main nedd vorhandna Huad.

Nedd vorhandna isch gloga, i hao en maim Kloidrschrank no dr Huad vo maim Vaddr liega, den hòt 'r Âfangs dr Sechzger no ab ond zua beim Schbazieraganga draga.

Nechd beni mibbm 9-€-ticked ind Gegnd vo dahoi gfahre, uff Fiesse. I be sogar dur des Doef gfahre, woni amohl zwai Johr lang Lehrar gwe be! Mei, isch des Allgai schea! S Panorama isch oo no s gleich: dr Braidebäerg ond dr Aggeschdoi vo Pfronde ond dr Seiling z Fiesse hand ausxäeche wie uff meine Kindrzaichnonga :-))

Fiesse isch oo allad no räechd schea - hald volar Durischde. Noch drei Schdond hammr bFieß ond dHifde onz Kreiz drodz de vihle Bausa wäehdao, abr des bassd gued zue Fiesse. Nocha beni mea hoigfahre. S send gar idd so arg vihl Leid im Zug gwe ond i hao jezmohl an Fenschdrbladz kriegd, oo beim Omschdeige z Maisles-Doerf. Maisle, i hao dr gwonke - hasch mi xäeche?

S'Allgei isch schee, des kane beschdädigga. Ibrhaubd isches bei eis im Sida schee. I dät näana andersch wohna mega.

Em Allgai war e eher selda. I kenn 's also blooß vo kurze Uffendhald oddr vom Durchfahra. Abbr wenn e bei maine Wandronga, zom Beischbiel grad drledschd em Schwäbisch-Fränkischa Wald ällemòl dia Ordschafda mid ihre, sanfde sattgreane Hiegl, dia nedd bewaldad send, gseah hao, hao ne zua mr gsait: Der Âbligg erennerd me irgendwia an 's Allgair Albavorland.

Des Bsondre am Allgaiar Albevoerland send hald dr Braidebäerg, dr Aggeschdoi, dr Seiling ond dr Teglbäerg am Horrezond, ond die send allad doo. Bei deane andre ehnleche Landschafda mueß i allad warde, bisses a baar bassnde Wolka geid ;-)

Jâ, soddene Berg hend mr bei ons nedd zom biada. Abbr i hao soviel Fandasie, dass e se mr oifach, wenn e Lusch druff hao, em Hendergrond drzuadengk. ;-)

Gäbale, des mid de Vegl wondrd me jetzat a weng.

I wohn jâ en ma Induschdrievorord vo dr Großstadt ond bei mir vorm Fenschder fliagad ond zwitschrad zomendaschd Amsla, Maisa, Greaschbechd (der zwidscherd nedd, der lachd) ond no oi zwoi andre Arda, dia e nedd beschdimma kâ. Drzua nâ hoggd bei mir morgens ond âbends en dr Dämmerong a Kräakolonie mid a baar honderd Eggsemblar uff de Baim ond Dachfirschd ond verâschdaldad a Mordsgschrai. Dagsiebr siehschd von denne koine. Ond wenn dia gemainsam losfliagad, wird dr Hemmel schwarz.

Aigendlich miaßd 's jâ grad omkehrd sai ond bei eich meh Vegl ondrwegs.

I hao jâ neilich vrzehld, dass e mid mainr Enkelin ledchd Woch em Archäopark Vogelherd war. Am Daischdich hao ne erfahra, dass se mid dr Schualklass em Rahma vo ihrer Brojeggdwoch dr Dag druff ao dord nâ gangad. I hao abbr no nix ghert, dass se dr Lehrerin was erklärd häb. ;-)

Uff meim Ballkooh uffm Ballkaah haoni ja a Gwirzmischong aabflanzd onz Bedrsill ond a baar andre hand ibrwendred.

Jez kriegz Bedrsill lange Drihb midd Bliedeknoschba. Nocha haoni amohl guhgled, was uss deam wohl wäerd ond hao gfonde, dass sBedrsill zemle gifdeg wäerd, wenns Blieda dreibd ond ma solls uff koin Fall mea äeße. Des haoni oo no idd gwissd.

I hoff, dass die baar Bläddla, die woni nechd uffs Frischkäsbrod dao hao, mi idd glei ombrenged. Bis jiez schbier i nix.

I wäer hald an nuje Schdock koofe zom Äeße ond em alde beim Blieje zuluege ;-)

I denk uf soddiche Seida wird oifach brofilagdisch sehr deitlich gwarnt vor megliche Gfahra. Dass mr Leber- on Nieraschäda griega kann han i et gwisst. Abber dòdrzua brauchts au sicher maih wia a baar Blättla Pederling voma bliehenda Schdrauch.

Ob's gega dr Budderbrezlbauch hilft - dò sen scheints die wissenschaftlichen Ondersuchungen no-et abgschlossa. Keedesch jò amòl a Feldschdudie mit n=1 Vrsuchspersona schdarda!

Brofilaggdesche Aussaga - des isch berujigend ;-)

Die Feldschdudie mit n=1 haoni heid Voemedag glei amohl konsekwendt weidrgfiehrd - danke fier dErmondrong. Abschließnde Ergebnisse daured no a wenk. I wäers bei Voerligen noch ar lengre Vrsuechsraije omgejend vreffndliche ;-)

'S hoißt jâ emmr, dass d' Dosis des Gift machd. Je nach Dosis hòschd andre Ergebnis. Em ginschdigschda Fall, wachsad dr hald Pederlingsbischel aus de Ohrwaschln. ;-)

Oh, potenfördernde Wirkung !! Hosch gläasa, Manni?

Und a Bidde hetti no, Manni. Sobald da mit derra Schdudie fertig bisch, kennschmr bidde sErgäbnis zuakomma lossa? Da Schose hot nemmlich au a Ranzabroblem (so siebda/achda Monet däte saga).

Boschurle au no, meine herzallerliabschde Schwäbla 🙂

Bei deam Thema kenn e me nedd so aus. Abbr ois wois e, dass prägnande Beich nedd obedengd pregnant send. ;-)

Ond beim Zäsar seine Gelage ond Orgia wär e, mangls Erfillong dr erforderlicha Griderija, sichr ao nedd aiglada worra.

Gäbale, noi, mid ma Ranza/Ränzle kâ ne laidr (oddr fir mi erfrailichrweis) nedd diena. I be scho seid zig Jâhr beim gleicha Gwicht (70 +- 1) ond hab friehr gfressa wia an Schainadrescher.

Wia ne friehr no Handball gschbield hao ond mr uff Auswärdsschbiel oddr -turnier warad, send mr efdrs uffm Hoimweg ondrwegs no zom Essa ganga. Wenn i main Dellr leer ghet hao, war e dann dr Reschdeverwerdr vo de Andre, dia ihr Bordzio nedd gschaffd hend. Oinr hòt dann dean Schbruch bròchd: "Wenn mr di nedd häddad, miaßdad mr ons gladd a Sau kaufa".

Des Buach kenn e ao nedd. I kenn me also wedr midm fisiologischa no midm bsichologischa Schwachsenn aus. ;-)

Mi dät dMoinat vo unsre Mädla indressiera, wennse sich denn dazua aufraffa kenntad des Buachs zom läasa. Vegale, wia wärs??

Opale, schee fr di, wennda koi Ränzle hosch, abr au schad. S'hott so äbbes Beruigendes an sich, mit da Hand ibr so Erdbälle zom schdreichla.

Mir griaded glei Bsuach vom Bua (der wo in A war). Er kommt mit Schatz und Kind un no bleibad se fr a Woch.

Siejuuuuu !

Von deam Buach haune scho efdrs amol gheart ond woiß so oogfähr, was denna schdodd. Abr i woiß idd, obneme aufraffa kaa, deam Herrn Mebijus seine Ergüsse zom leasa ;-)

Vill Schbass, Gäbale, mim Bua ond seir Bagaasch.

Mei Gäbele, a guede Zeid mibbm Bue ond seir nuje(?) Famille. S goht em scheinz gued. Des isch doch schea :-))

Sedde Figura wie du oine hasch, Obbale, fend i oofäehr 😟

Dr Fridz, mei Klareneddlespardnar, isch oo so oina: Wenn i de Kueche bloss aaluege, mueß i de Girdl a Loch weidr mache ond äer nemmd oi Schduck noch m andre ond bleibd schlank!

I hao mr uffm Brojeggd Gutenberg.de grad dia Vorword zu de erschde Ausgaba vo deam Mehbius saim Buach durchglesa. I be ausm Kopfschiddla nemme rauskomma. Beim erschda Absadz vom Buach selber be ne dann ausgschdiega. Mi wondrd's blooß, dass dia Ergiss meh als oi Ufflag erlebd hend, d' Marie Curie war jâ zu der Zeid ao scho bekannd ond hòt deam saine Thesa durch ihr Forschung scho widerlegd ghet.

Manni, i kâ jâ ao nix fir maine Gene. I be hald an guadr Verbrenner. Abbr i werd jâ eh en a baar Jâhr verboda. Mól gugga, ob e dann mai Gwich no halda kâ. ;-)

Wennd zuenemmsch, muesch dein Schdoffwexlakku bloss ompohle ond di am Minus aaschließe ond sPluss erde ;-)

Wenn e, als eleggdrodechnischr Laie, beim Ompohla nedd uffbass, kennd des ondr Omschdänd mai ledschde Kurzschlusshandlong gwea sai. ;-)

Muesch nasse gäel-grea-gschraifde Sock aanemme als Erdongsschudzlaidar ;-)

🙂 🙂

😉

Bei dr Befolgong von soddane Radschläg isch mr mid Sichrhaid an Kranz uff'm Grab garandierd mid dr Inschrifd: "Er stand ständig unter Strom, aber nun ist er geerdet. Gute Reise! Ihre BG ETEM".

;-p

😂

Genauso lauft des.

Mir sen segs Schdond em Gelende gwä on velleicht femf Killomeder gloffa. Ãgfanga hemmer iebrigns ufm Friedhof vo Hayinga. Friedhef sen meischdens wahre Paradiese fir Wildpflenzla. Uf de Weg, om d' Kapell rom, am Friedhofsmeierle on uf õbelegde Grabschdella isch a botanische Vielfalt, dò schlaggersch mit de Ohra.

so, jetz honne grad mein oina Schläbbi, den, wone all Schaltjôhr môl nimm, hochgfahra und da Leo aufgmacht und war direggd agmeldat. Hä, wia ka des sei? I meldme immr ab und in Leo gange sonsch amml middem andra Schläbbi und i dem ware heit au scho uagmeldat im Leo-Wertbuach dinna. Hmmmmm

Wars bei eich au so hoiß? S'Schenschde a da Rente isch, dassma dahoim da ganz Dag in da Undrhos rumrenna ka. Wenn meglich, däte abr am Liabschda middem Amoisel zämma Bfiaß in da Lech neihenga.

D'Edith sait guats Nächtle und i sollme au räat abmelda (wo dia sich ibrall eimischd!)

I ben heit uf drAlb gwä on han Bflanza kardiert. 's isch eigentlich ejer kiehl gwä.

Bei eis isch oo äjer kiehl. Abr uff meim Ballkooh uffm Ballkaah send heid moeges drodzdeam elf vo deane blaue Pronkwinda trikolor aufgange :-)

Mei Gäbele, zue waas abmelde? Des due i nie - fier de Fall, dassbrs Dorrisle a PM schreibe will! 😉

Des wenn e friahr gwissd het, nâ wär e en maim Sonndichshäs mid ma Dransbarend als Verdredr der ordsâsässiga Bevelkrong am Bâhschdaig gschdanda. Ond wenn e des no meh friahr gwissd het, nâ het e ao no a Blâskapell organisiera kenna. ;-)

I wensch eich viel Schbass ond a guads Weddr am Marktbladz mid saine Arkadà ond dr faschd oinzigardigà Schdadtkirch. Vielleichd no an Schbaziergang em Teuchelwald.

Des send maine Erinneronga aus dr Schualzeit, wo mr em Schuallandheim waràd. Drnach war e glaob blooß no oimòl dord, so Âfang bis Midde dr Siebzger, als jongr Erwachsner.

I dät eich dohinna so gäre äbbes Gscheits schreiba, abr sfalltmer nix ai - schö donn ma langk o scha 😉

Ajoo, i lies grad "Irisblütenmord" vom Julian Biberger. Dia Gschicht schbielt dô, wone aufgwaxa bin und an Doil vo de Leit schwätzd wianes Maul gwaxa isch. Scheeeeeee!! In derra Gschicht kommt da Nachtfraul vor. Des erinnerradme dra, dassma uns Kindr immr eibläut hot, hoimzkomma, wenns dungkl worra isch.

Homme grad gfroged, wia ma dia schwäbische Passahscha in a andre Schbroch ibrsetza kennt. Des gôht glaube id, do isch da ganze Scharm weg.

Häff a naiß Deile, Schbätzla!

D'Edith wett no äbbes wissa: Vegale, wia wars in FDS? Und, war da Zug grammlet voll?

Gummoin mei häadsallaliibschdes Gäwwelsche !

Isch hann jedsade wedda aangefang schwemme ße geen ... woo dii Doggdasch mas wedda äalaawe duud ... gudd duun duuds ! Heid wäa ma awwa ßefill Bedriib ... doo geenisch dann noom Wocheänn wedda ... moinns, wanns scheen rujisch ess ...

Isch winsch da aach eh scheena Daach ! ... unn iwwahaubbds, Eisch allegaare aach ! :-))

Schwimme wär a guede Idee - i waiß oo idd, warom i idd gang. S mißd mr grad ebbar an feschde Dridd ins Fihdle geah!

Bréle, warom haz dr dDeckdre vrbote kedd? I glob, vo deam haoni gar nix middkriegd kedd - odr i haos meah vrgäeße.

Mei Gäbele, Kadzezonga mag i fei gäere, kaasch mr oo a baar schicke 🤭

Uff Franzesesch wäeba an Dialeckd schwäer ibrsedze kenne. Die hand ja faschd koi meah. Veleichd uff Ch'ti?? Frog amohl de Schose! Hadd däe an Dialeckd?

Grad schee, dasses Brelele wiedrmôl reigluaget hot. Schwimma isch genial. I sott au môl wiedr. Abr irdgendwia hottmers zviel Leit.

Manni, komm her, i gibder den gwinschda Dritt. Abr bloß, wenndamer au oin gibsch. No kenndamer zämma ganga. I honn ibrigens au nix davo middgriagd, dasses Brelele a Schwimmvrbod ghett hot. Dabei hoißts doch, Schwimma sei fr älles guat.

I gang morga vielleicht wandra. Fuffzeah Kilomedr und sechhundert Hehametr. I giengd gern, abr fielme ibrhaubd id fit. Alts Weib halt 🙁

Am Brele no a Nordwindle zuawirf und am Manni da Reschd vo da Zung rausheng. Meh goht id, honn älls de Katza gäa. Do Schose hettno a wengle Schogglad in seinr Siaßigkeitaschublad. Milka, wia wärs dodamit?

Uff Ch'ti Manni ? Do dät abr dGegand id dazuabassa.

Dofinowà?

Gäbele, in Fraidaschdadt ischs schee gwä. Mr sen om den ganza Blatz mit de Arkada romflaniert (nachdem mr vom Bãhof nadierlich mitm Bus ens Schdädtle nufgfahra gwä sen, alles em Tigget inbegriffa), mr hen die schee Winklkirch en oim Eck ãguggt. Em gegaieberliegenda Eck isch d' Bolizei, au ema schena Winklhaus. Dòdrvor han-e (weil mr da Botanigerblick oifach et abschdella kã....) a endressants õgwehnlichs Gräsle en de Ritza zwischa de Bladda entdeckt. En Kaffee hemmer au no dronka, leider et en dem beschda Café am Blatze, des hòt Ruedag ghett.

Also d' Zugfahrda waret insgesamt lenger als wia dr Ufenthalt en FDS. Abber so ischs jò au blant gwä. Mir hen ons bewusst die Gäubah-Strecke rausgsucht ghett, die isch landschaftlich sehr schee. Scho d' Fahrt ausm Schduagerter Kessl raus nòch Vaihenga nuf isch glasse. On nò durch mei Hoimetgegend: Herraberg, Nebrenga, Bondorf, Hochdorf on so weider - gwer durchs Obere Gai, on nò en Schwarzwald nei on ieber a baar schene Brigga. Dr Zug isch lodderleer gwä - wer will scho mittwochs vo Schduagert uf Fraidaschdadt nuf? Bloß a baar schbennade Rentner wia mir. Mr muaß halt ieberlega wo mr mit dem Nei-Eiro-Tigget nãfehrt on wann. Dr Zug vo Reitlenga nòch Schduagert war gut besetzt, abber et iebervoll.

Also wemmer werdags fehrt on et grad uf de Brennpunktschdregga isch des scho a guade Meglichkeit zom a bissle romkomma em Lendle.

Opale, desch etz abber echt schad mit dem Sonndichhäs on dem Dransparent on dera Blòskabell! Des hett mr scho gfalla!

Re #120: Bal du di ameldsch, werd a Kukie auf dem jeweiliga Rechner gsetzt. Wahrscheinle hasch du di auf dem alte Rechner net abgmeldet ghabt und warsch deswega glei dabei.

Also des isch a Overschämheid, bessr an bersönlichr Affroh, dass des beschde Café an Ruedag ailegd, wenn so hohe Gäschd aus Reitlenga Fraidaschdadt die Ähre gäben. ;-)

Des mid dr Gaibâh aus Schduagard naus isch womeglich nemme lang meglich, wenn d' DB des durchbrengd was se vorhend. 'S wär ewig schad.

Iebr des mid dr Grammadigg en Bezug uff "zom Essa ond zom Drenka gea" be ne ao scho efders gschdolberd. Maischdens hao ne s' Kloine ens Große abgänderd ond war mr drodzdem nedd sicher.

Jouschden, ääh Manni, wir haben ein Problem. ;-)

Manni, i kenns id. Guats Nächtle und bisuh 🙂

Läts fäschd, Manni! Wemmr vielleicht au bloß zua Zwoit sin.

Bai ße wei, Heahnrooge honne koine.

Ja, geit's denn sowas? A Geburdsdagsfeschd ond koinr isch dâ? Des isch jâ faschd wia beim Hauard Karbfendalle der selligsmòl gsonga hòt: "Ich geb mir selbst ne Party, eine einsame Party ...".

Scho viarzeah ischr worda? Nâ fladuliere recht herzlich zom Wiegafeschd, mid de beschde Wensch fir dia weidere Jâhr, dia hoffendlich no folgàd.

I kenn iebrigens des häza ao nedd.

Fir des dass e dr rechde vo denne drei Affa be, hao ne jetzt scho faschd zviel gschriaba. 😉

Ui, doch no jeamerds raigschneid. Nâ kenna mr jâ scho faschd an Piggolo uffmacha ond âschdoßa.

Schamäh dö sâ droa ! und scho simmer 3 😉

No niggs narrads, wenn's bressiert!

I wär etzt au dau. Fescht schaffa ônd fescht feira!

Mir hand ja au no a bissle Zeit bis heit zAubads.

Sodale, d' Kehrwoch isch gmachd, aikaufd hao ne ao no ond me uff a rauschends Geburdsdagsfeschd aigrichdad. Ond wa isch? Nix! Koi Biffee, nix ond neamerds zom âschdoßa dâ. Wo gòht's aigendlich zur Kiche, weil uff de Feschdla fendad mr dord emmr dia maischde Leit zom schwätza.

D' Kiche isch ao leer, na gugg e hald doch de Dama beim Kicka zua.

♫♬ ♫ ♪♫ ♪♫ Häbbi Böasdää duu ass, häbbi Böasdää duu ass ♫♬ ♫ ♪♫ ♪♫

:-))

Ah Vegale, des hettmr au gfalla.

In Honau honnemôl werri gudd poteitous gässa. Desch abr scho meh ass fuffzg Jôhr her.

Der komische Vogl bestimmt net, bei dem isch sein ja richtig.

Bevor e me om Vierdl nach Achde aka Vierdl Naine vor dr Fernsähr fläz ond de Dama beim Kigga zuagugg ond Daoma drugg, hao ne dengkd i muaß gschwend no was zur "Kunschd em Tuffschdoikellr" loswerda.

I hao mr dia verlenkde Seit âguggd ond be echd vo de Sogga. Honau isch jâ gwiß nedd groß, abbr was durch a briwade Inidziadife dord uff d'Fiaß gschelld worra isch isch, isch allr Ehra werd. Send jâ nedd blooß dia Kellr endressand, sondern ao des was dia Kinschdlr älles zom biada ghet hend.

Schad, dasses wohl s' ledschde Mòl gwä isch ond dass e des nedd vorher gwissd hao. Nâ hedd e mai Wochaendblanuong a weng andersch gschalded.

Mi hòt am Middwoch vor vierzeah Dag s' erschd Mól en maim Läba a Zegge bissa. I hao 's erschd am Freidich feschdgschdelld, wo ne an kloina roda Hubbl uff maim Obrschenkl seah hao. Mai Dochdr hòt se dann am Samschdich mit dr Zeggakard am Schdigg rausghold. Jetzad hòt sich dia Bissschdell entzendat ond isch leichd gschwolla ond eitrig. I hao nedd drâ romdruggd, sondern a Zugsalb druff gmachd ond gugg was morga isch. Druggad mr d' Daoma, dasses koi Borreliose oddr a anders Glomb isch.

Daome druck!

Dauma drugg!!!

D'Mädla henn gwonna. Sogar em Schose hots gfalla.

I frog mi bloß, warum die den Ball immr do hi schiaßa, wo koine schteht?

I gang dò demnägscht mit meira Schweschder nã, des hemmer scho blant. I ben seit Jahrzehnten nemme dò gwä, i frai me scho.

Wo i gloi war, isch mei Padaonkl Dekan vo Blaubeira gwä, on i ben oft bei dene en Feria gwä (mir hen jò dòmòls koin Familiaurlaub gmacht, des heddamir ons net leischda kenna, on des hett au logischdische Brobleme gea, segs Leit ema Käfer....also semmir Mädla en de Feria zo onsere Pada ganga).

I han wonderschene Erinneronga an meine Feria deet...hach........e meim Hoimetdorf hòt's gar koi Oberflächawasser gea, deet isch dr Ondergrond vrkarschdet. Kennetr eich vorschdella wia i dia Bächla on den Blautopf schee gfonda han? On uf dr Rucka ben-e nuf on nagschbronga, on zom Rusaschloss gwandret mit meira Dande (dr Onkl hòt bragdisch koi Zeit ghett, der isch ällaweil em Birro odder en dr Schdadt odder en dr Kirch gwä), on morgends en dr Friah semmer ens Schwemmbädle hender dr Blau dussa gwandret on a Weile gschwomma.

Dui Hibbothese vo dene Hebamma gfellt mr guat, obwohl i nemme woiß, ob is so ausgsäh han, wo meine Jonge gebora gwä sen...

Des mit dene Fleda fend i au sauschbannend! Wenn i mir ieberleg, wie lang dia Leit selletsmòl wahrscheints braucht hen, bis se ebbes weiderentwigglt hen odder ebbes Nuis eigfiehrt, kã'sch drvo ausganga, dass-es Fleda zo dem Zeitponkt scho Jahrtausende gea hòt; de erschde hen wahrscheints bloß oin odder zwoi Ten ghett...i han amòl a Buch gläsa, dass d' Schbròch on d' Musik velleicht õgfähr gleichzeidich entschdanda sen - des hòt mir dodal eigleichdet.

Sodde Fleda hen se doch teils nòchbaut, damit mr an Eidruck griagt, wia se do hent...dò gibt's glaub i sogar Cedees drvo.

Scheene Offnaame senn dass ... danggescheen fa die Linggs !

nua graad dass Päadsche ess eh bissje schläschd ausgeleischd ...

Emmrle, danke fier dean Link. Ooglaublech, was es do alls geid. So weid beni no gar idd komme gwe :-))

Bréle, i fend des Ressle bei mier oo gued. Kaasch ja oifach mibbm Mausrad gräeßr mache, nocha wärz veleichd bessr.

Zueschdend mießed dees gwe sei sellemohle! Heid beim Schdaubsauge isch mr eigfalle, dasses idd so kedd hand midd Aufraume ond dr Kehrwuche ond em Bodewische in deam Aurinjack voer viezgdaused Johr; des Figierle hanze drei Meddr dief ondr Schdaub- ond Dreckschichda vo andre Kulduerschdufa gfonde. Wie gued, dass die Wisseschafdlar uss Diebenge endlech a bissle hendr eahne häe aufraumed - ma mihßze grad scheniere voerem Bsuech. 😏

Abr des Woed fier Schdaubschichd wäer i mier merke: Kulduerschdufe 😉

Em Radio schbricht grad dr Brofessr Goldammer :-)

manne, wann dia abbl schwäbisch-korrekt Kehrwucha gmacht häddn, däds heit koine Fleeda ond Frauafiegürla gea. Semmr froh, dasse ned allbot durchgwischt hand.

I be jebmfalls froeh 😊

Des send ja scheinz oo koine richdege Schwobe idd gwe, sondrn zuegwandrede Migrazjohshindrgrindlar uss dr Lewandte - so oi wie dr Ötz(i)demir, odr?

Ondr archälogischmäßigar Berixichdegong däer hischdoresche Imformazjonsbeschaffongsmedhodick sobba veleichd oifach dKehrwuche ond dSchdaubsaugar ond die ganze heidige Abfallwiedschafd amohl khereg in Frage schdellen! Schbädere Gennerazjona vo Archälog*inna wend ja schließle oo no ebbs Nuis fende!

Dr Ötzi aus Urach. :-))

Neilich hao nen en ma Fernsehindrwjuh gseah. Dâ hòtr vrzehld, dass seine Schualkamerada eahm dr Schbidzmama "Gsälz" geah hend, abglaidat aus saim Vornama Cem - Dschem = Jam = Gsälz. Uff dia Idee muaß mr erschd mòl komma. Abbr Schualerbuaba warad jâ scho emmr erfendongsreich beim Namaerfenda fir Midschialer ond Lährer. ;-)

Ach glasse, opale! Desch ächt a sauguats Gschichtle! 😂

Mir hen oin en dr Glass ghett, der hòt Link ghoißa, des isch nadierlich 's Leftle gwä...abber desch bei weidem net so greativ wie Gsälz....

Ond was hot des jetz midam Brass zom dua?

I kenn wedr Brass no Jäscht.

In de Biechr fendt dr Ngram Viewer, ibrs Mendleche waiß a hald nix:

449811 Wut

289278 Zorn

002729 Brass

000008 Jäst

manni, nâ nemmschd des am beschda wiadr ausm Werdrbuach raus, weil i mir nedd âmaßa will a belaschdbare Gwelle zom sai ond dr Ngeam Viewer blooß no 000008 weidre Dreffer hót. Desderwega ischs nadierlich vellich oerheblich wia ofd des Wort Jäscht en maim wirddabergischa Omfeld vrwendad wird. Abbr Wirddaberg doild sai Schiggsal hald mid Bielefeld, des geit's jâ ao nedd.

*hihi*

Wäe idd waiß, wäe a isch, isch! Descartes: nescio ergo sum - odr soo ...

Oh, oh manni, a ganz schwers Gebied mid dausend Fallschdrigg fir mi,weil e weder Filosofie schdudiert no Ladein glernd hao. Mid ma klöina Ladrinom kennt e grad no diena

Abbr bezieglich em Descartes sainr Erkenndniss kâ ne blooß saga, dass dia heitzdag vo ainige Leit em Omkehrschluss (nadierlich z' Orechd) omendrbreddierd wird en: I be, also denk e.

Werch ein Illtum! ;-)

I be ond denk mr nix drbei - hmm... klengd oo gued, odr?

#184 - I denk, alzo benne. Wanne ebbes glau ond denkmr nix, nochd bennes oo idd gwea ;-)*

*sät dr Alfred DorfAr.

I ben drhoimt gwea ond haumr saga lasse miassa, dassne scho Allgairisch schwätza däd.

I kenn Jäschd au, abr bloß ausem Englischa (yeast).

Mein Bsuach aus Franze isch wiedr weg, dafiar kommd morga da negschd. Freime, au wenne scho auf de Felga dahärkomm. S'kennt sei, dasse dia nägschde Däg scho wiedr koi Zeit frs Leola honn.

Bei ße wei, jetz, woos doch des 9Eurotigget git - kenntamer uns im Auguschd idamôle irgendäbba zentral dreffa?

Griaß eich älle midanander, i iebrleg mr grad, wo denn des geografische Zendrom vom schwäbischa Schbrâchkondinuum liega däd. I däd jâ gfiehlsmäßig saga irgendwo em Obrschwäbischa.

Luschdigerweise war e grad vorgeschdern en dera Gegend. Mir hend an kloina, oidägiga Kegelausflug gmachd. Nach Warthausa send mr gfahra ond dann midm Öchsle ondr Dambf nach Ochsahausa. Des war echd schee. Iebrigends isch dr Vorschbann vo dr "Eisabâhromandigg" em SWR Fernseah en ra Kurv vo dr Öchsleschdregge dreht worra.

Blooß dr Dransfer midm Regionaleggsbress vo Schduagerd iebr Ulm nach Biberach ond wiadr zruck war nedd so brigglnd. Zerschd isch dr Zug en Geislenga fasch a halbe Schdond schdanda blieba (âgeblich wega ma Iebrholungszug) ond uff dr Riggfahd isch dr erschde Zug ganz ausgfalla wega ma dechnischa Defeggd an ma Aischdieg. Ond dr nächschde Zug, a Schdond schbäder, hend se wega deam Defeggd mid wenigr Wäga fahra lassa. Glaobad mr 's a Sardeanabiggs isch an Sch...dregg drgega. I hao also dean Dag faschd fembf Schdond schdehendrweis en volle Zieg genossa. Jetzat woiß e wenigschdens, wia dr Schbruch "ßengk juh for drewelling wiss Deitsche Bahn" zom vrschdanda isch, mr muaß sich en dean Sadz hald blooß a "drodzdem" naidengga. 😉 Des Nai-Eiro-Tigged en Vrbendong midm erschda Feriadag hòt nadierlich dia ganze Siduadzioh no vrschärfd ghet.

I frai me iebrigens wia d' Sau uff dr nächschde Dorschdich. Ab dâ kâ ne morgends endlich main Kaffee wiadr mid ma Schuggr Milch drengga ond mai Brod wiadr mid ma Buddr essa. Wega deam Antiidiot.. ääh -biotikum gega dean Zeckabiss, derf e drei Schdond drvor ond drnach koine Michbroddugd zu mr nemma. A Brod ohne Buddr isch oifach a fuuurzdroggane Âglegahait. Dia milchlose Kaffeesiduadzioh wär mid ra Esbressomaschee ond de richdige Bohna erdräglicher, abbr des dua ne mr wega deane baar Däg koine meh her. Des isch hald dia âerzogane schwäbisch Schbarsamkaid en mir. ;-)

Dr manni hot amol a Karte zeichnet, wo nir alle herkomma. Abr do sen dia jetzige Wohnörter nadierlich net berücksichtigt. Mir ham uns amol inra Pizzeria en Buchloe droffa, des habe ganz gwandt gfunda.

Die Karde isch ibregenz in jebm (jeedemm! - ond zwischedure abbdeidede) OP vrlenkd. Weil mr grad koi Schweizar ond Gsibäergar im Fädele hand, wäed dr gefihlde Middlponkd woll in, om ond herumm vo Ulm, Neiulm ond Weißehoere sei.

S Broblehm wäed äjr sei, dass zwengs deam Neieirodicked am Wuchenend all Zihg grammle voohl send ond ondr dr Wuche hadd däer no schaffnde Bevelkrongsââdail wahrscheinz ebbs andrs zdond als zuenam Hoggeze zom komme.

Luegebr amohl 🧐

Do due i hald an Käs nauf, däe hadd oo fuchzg Brozend Fedd.

Margarine haoni gar koine im Haus!

Mir hand scho laang koin Buddr mear em Haus ond nemmat, wanns sei muaß an Frischkäs aufs Brot. Wammr abr koine Milchbroduggd essa ka, hilft des oo nix. Dau däde dann Gmiasaufschdrich aufs Brot nemma.

I frai me, dasser eich Sorga om mai Ernährong ond mai Wohlergeah machad. :-)

So groß isch dia Verzweiflong abbr ao no nedd, dass e a Margrine uffs Brot däd. Dia hao ne scho als Kend nedd mega. Blooß dâmòls hot`s bei ons ganz selda an Buddr geah. Logisch bei seggs Kendr. Erschd ab de friahe Sechzger, wo maine drei äldeschde Gschwischdr nochanander vrheiradad ond ausm Haus warad, send dia Margrinezeida vorbei gwea.

Zu deam Dhema fallad mr grad no dia friahre Werbeschbrich fir dr Buddr ai: "Buddr isch durch nix zom ersetza" ond "Nur Buddr hoißt ond schmeggd so".

Ond en dr ällergreaschda Not schmeggd dia Wurschd ao ohne Brot. Nâ brauchschd ao koin Buddr nedd. ;-)

Manni, du hòschd doch beschdimmd an Analogkäs gmoind, gell? ;-)

Dia Fuuurzdroggahaid hao ne bisher hald a weng abgmildrad, endemdass e Domada, Babrigga ond Gurgga drzua gessa hao. Uff dia Idee, dass e mr aigndlich ao a Schdreichwurschd herdoa het kenna, be ne ao erschd geschdern, nâchdeam e des gschriaba ghet hao, kommá.

Schowiedr fimbf Däg rum und i bin allno ausbuacht.

Woiß äbber was an Hammihummi isch? (faschd so schee wia Daudauger :-) Des Wort schdammdt vo meim gloinschda Engkale (zwoiahalb Jôhr alt). Opale???

Bischd em Rendnerschdress? ;-)

Hammihummi? Wenn 's Hummihammi wär, wär e uff Gummihammer komma. Abbr zom Hammihummi fälld mr grad nix ai, weil .....

... I kâ nemme dengka

des isch koi Witz

mai Hirn droggned ai,

weil e älles nausschwidz.

I fend heit isch dr schlemmschde Dag, weil's dermaßa schwial isch ond nedd amòl dr Hauch vo ma Lifdle gòht.

Mai jengschder Enkl, der midm Daudauger, wird Ende Oggdobr drei Jâhr alt. Er isch grad dr Moinong, dass an Hond nedd belld. Nâ hao nen gfrògd, was der Hond denn dann machd. Antwort: "Geräusche". :-)

Mibbm Gummihamar isch mier oo so gange, Obbale.

Veleichd senz ja Gummibäerla: Ham-Ham-Gummi ;-)

Geräusche - aha! dr Obrbegriff :-))

Fasch heddaders gfunga. Hammihummi = Haargummi 🙂

Sodale, jetz sinnse wiedr fudd. Schee wars, ahschdrengend wars. Wenn dia dô sin, isch in nullkommanix ammel an Verhau und a supr Ägdschn in da Bude. Und i fiel me gmegad.

Opale, i bin voll erschdaund, wa dia gloine Kind fr an Wortschatz draufhonn. Da unsr schwätzd wia a Buach und des in ganze Sätz. I war in dem Altr no räad dumm 😉

So, etz dommer Wesch wäscha und a wengle butza. Da Schose rennt scho middem Daudauger rum.

Manni, i lachme schäbs!

Da Schose hottmer vrschbrocha, dasser heit mit mer lauft. Wa moineter, machter des?

Ja, weil a Angschd hadd, dass d eahm sooschd sFihdle räechd vrhauschd 😉

Ond wie n i di kenn, dädesch du krefdeg nâlange midd deim durchdränierde Kerbar!

Kennet ihr des Wort Bitzich?

Nââ, i idd!

... abr Gäbeles Engkale (zwoiahalb Jôhr alt) fier "witzich" ond Obbales Engkala fier "Blidzliechd" 😏

Ond i däbr denke "winzig", "a bidzle - a bissle"

Noi, Vegale. Schliaß mi am Manni a - i kenns au idd.

Da Schose isch geschd echt mitmer gloffa. Siaba Kilometr hemmer zämmabrocht.

Und heit hotters erschmol sein E-Gebbl ausgfiahrt und sich beimer bedangkt: Ohne di hedde des id gmacht !!!

Desch wiedrmol da Beweis: Bloß nia dHoffnung aufgäa, gell 🙂

Also dei guade Tat fir heit kã'sch abhòga! Guat gmacht!

Mitm Bitzich hoff i no ufs opale....

('s Zwoisentle on s' Amoisle machet sich arg rar....on 's breele! Kender, wo sender, wo wenter nã?)

Gäbele, des isch ja wie a klois Wondr: sibe Killemeddr gloffe ond s E-Baik ausbrobierd ond si oo noo wordreich bedankd! Des gfraibe fier di ond fier de Schose!! Herrliche Zeida fier uier gemeinsame Zwaisamkaid bräeched â :-))

Genau, manni, des Wördle "omananderschoicha" isch mr geschdern nedd aigfalla.

Umanandschiagka = rumschiagka = rumschlooga - rumdabba

ma ka sich dabei dSchuah vrschiagka - henner no nia verschiagkade Sohla a de Schuah ghett?

Mol säa, vielleicht schiagkad da Schose heit wiedr a wengle mitmer umanand 😉

omananderschoicha - des kenn au, abr des duena mit näamerd

gschueched - vo Schueh? gschlurfed?

Hei Schbätzla, a ganze Woch isch rum und koiner hot äbbes gschrieba. Iddamôl sHimmale hot da Fada glupfd.

I hoff, ihr sin gsund und eich gôhts guat.

I war jetz scho viarmôl middem Schose radla. 8, 11,67, 16,41 und 11,94 km. Älls hintarum, im Wald, zwischa de Hopfgärta und id am See entlang. Wunderscheee. Morga gôhts weitr.

Jetz liese a meim Buach weitr. Bisuuuuu

Edith moint no, i sodd eich vrzella, dasse a arms Weib bin. I honn dHeizeelrechnung griagd - 2,5 Daused, i kennt heila.

Isch losse noch ganns schnäll eh Bissuusche fass Gäwwelsche doo ...

:-)

heizeel ist aber für eine längere Zeit! Ich habe keine Ahnung, was ich hier zahlen darf. Die abrechnung kommt erst im Oktober.

Gäbele, idd bläere! Ond lueg idd uffd Schdrohmrechnong!! Du kasch de gfraie, dass dr Schose endlech midd dier radled - gemeinsame Zwaisamkaid, waisch scho! So schea kaas Aldar sei ;-))

Grießdi, renateheinz! Bei mier kudze äeschd em Nofembr - do bini oo gschbannd!

Stimmt, Natele, desch frs ganz Jôhr. Aber, s'isch drotzdem meh ass dobbled so viel wia sledschjohr. Dôda zuana, honne den Sommr meh Ausgabe ghett as sonschd und dôdavo nix frs Vrgniaga.

Jo, Manni mei Darling, hosch räat. I freime. Desch echd an Grund sich zom freija.

Märssi mei Brelele !

Gäbale, isch allz okeeh am Seeh?