Hobbala! No kois id dau? Nocht sag i dauherinna amol 'Griaßna!'

Grad komme! Grießdi - ond ui :-)

Guda Morche! Muass nach langer Zeit aa widder mol reischaue und eich an schäne Dooch winsche :-) Hob derham immer noch kei Inderned, weil bei uns dausse ned alles funktioniert. Aber i hoff, dass ich des diss Joahr noch noubring.. ;-)
S'Muffele

*nauflupf* bevor da Schpaga auf d'zwoit Seite rutscht.

manni, dankdrschea fiers bäschdle.
I bi grad so debbrimierd, i kennd grad losplärre. manni, i gloob du hosch räechd ghedd, dass i des mid meine Nachbaure ondrschedz. :-(
Ietz sends nach oinr Wuch Urlaub mea do, ond hend anscheinds an Haufe Krafd zom Gifdverschbridze dankd. Ietz hammr eis oo no draud a Dachrinne auf des Dächle vo dr Holzbeig draufmache zom lao - wo sei id da woara freili, weil mr dean Bsichoderror ja koim Handwerkr zumuede ka. Ond iedz schbuckas Gifd ond Galle. Mei Barawoh schüdzd leidr id soooooo gued. Er isch hald a bizzle z'nieder ond id lang gnue...
I hao des so genieße kenne die ledschd Wuch. Da bi i jedn Morge ganz in dr Friah durch mein Garda bummled ond hao mi an jedm Bliemle gfreid... :-(

Iedz sag i nix mea, mir miessed des Dema au nimmr breiddreda, i hao mi bloß amal a bizzle an dr vrsammelde Schwäbleschuldre ausheile miesse ond zur Abwechslong amol mid liebe schdadd mid bese Leid schwedze miesse...

I wensch uib ganz an schena Dag, ihr Liäbe! :-)

ooooh, Ziggrle, des isch ja grauslig. Wia Leid bloß so sei kennad!! Du daursch me wirgle ond i woiß gared wia mr Dr helfa kot.

Dengdr nix, wann Du emmr mal widdr mit deam Dema kommsch. Wann oin des a so belaschded, nocht muaß des raus ond zuahorcha isch ja wirgle des mindescht, wasmr doa ka - ond des deamr os - i glob, des kane fr älle sa - gera, wanndr des zmindescht a wengale helfa duad.

Zickarle, des isch ja wirkle schlimm, des bsichoddesch Vrhalde vo deane damesche Sieche!

I glob, dier sodded oo no amol uffd Gmoid gao. Die däffed ja no Eggschdra-Reglonga mache, die wo idd im bairesche Nochberschafzgsedz feschdgschriebe send.

Ond dr Birgarmaischdr mißd se aingdle om sedde Schdreidareija oo kemmre als Moderador - zue waas isch a Birgar-Maischdr!

Als Adrnaddive bleibd dr allad no, de hendre Gaade schea ausbaue, ond de voedre beddoniere ( - wennd scho koin Karpord idd widd)
Odr du ladschd eis all ei ond mier mached a Bardy in deim Gaarde, no lammrs middand dBeim nauf, deine Nochbaure :-)))

Des haumr au scho dengd, obs Dau ned so Mediadora gea duad, dia was en soddema Fall helfa kot, wannse amol scho so verfahra isch, wia des beim Ziggrle enzwischa isch. Dau brauchma obedingt an Dridda.

Odr du ladschd eis all ei ond mier mached a Bardy in deim Gaarde, no lammrs middand dBeim nauf, deine Nochbaure

Des han i mir au scho denkt: geballte Schwôbamacht!

Des haumr au scho dengd, obs Dau ned so Mediadora gea duad, dia was en soddema Fall helfa kot, wannse amol scho so verfahra isch, wia des beim Ziggrle enzwischa isch. Dau brauchma obedingt an Dridda.

Des kennd bei normale Leid scho helfa, abr die send wirkle krank, des wäer id meglich, des kennds mr gloobe! Am Afang war mr ja zwoimal dedda ond ham vrsuechd mid eane zom reda, des war ganz furchbar!

Abr eis seids so lieb zue mir, ietz gohds mr scho mea bessr, äehrlich. Ond iebr die Idäe middr Schwobabardi ka i mi amisiere... :-))
I hao oo am Nameddag no lang mibbm candimoh gschwedzd, ond er hod gsehd, i mueß mr nur allad klarmacha, dassei eis ja gar, gar nix due kenned ond gar koi Machd iebr eis id hao, ond dassmr eana oo koi Machd iebr eis ond eisr Säeleheil gäebe derfed ond sei am beschde ignoriere dand. Des vrsuech i ietz hald mea...

*eddid* Ond wann gar nix mr hilfd, na beiß mr hald doch en saure Abfl ond pflanze fembfazwanzg Konifäere, die scho mindeschdns ois achzg hoech send (oo wenn i se id so gäere mog), am Zau endlang, ond a Rue isch...

O Zuggrle, dô duat oim jô s'Herz weh.

Der Vorschlag vom Manni isch guat. S'Himmele findan au guat un i bin au drbei. I dät meine sieba Enklkindr un da Hund mitbringa. No dädadse wissa wia schee ses eigendlich honn mit eich - i moin, wemmr wiedr futt sin.

Sinnen dia Leit alt odr jung?

Komm doch oifach zu miar un ziah näba uns na. I bin hegschdvrdräglich un meim Dings däte dfiar, wennr id nät zua eich wär.

Manni, mäarsi, puhr lö nuwo fill.

Zickarle,

des wo dr Kandima xed had, isch wirkle a ganz a guede Sach - i halz sogar fier die allarbeschd!

___________________________________________


Ond uffd Gmoid soddedr drodzdeam gao, ond seis bloß, dass dr ganz gnau wissed, was meglech isch ond was idd, mid Garasch ond Karpord ond so!

Gäbele - :-)))))))))))))))))))))))))
(Wenn i ietz bloß wissd mie mr da Herzle male kennd, na dädsch glei ganz viele kriege! - Momend - da fällbr was ei...)

______oooooo__________ooooooo_____
____oo______oo______oo_______oo___
___oo_________oo__oo__________oo__
___oo___________oo___________oo___
____oo______________________oo____
______oo__________________oo______
________oo______________oo________
__________oo__________oo__________
____________oo______oo____________
______________oo__oo______________
________________oo________________
(c) Waringham

FIERS GÄBELE - OND ALLE ANDRE DRÖSCHDR!!!

Gäbele - paddkwa :-)

Ohhhhhhhh, bin ganz wägg. So a schees, wundrschees Herz!

Leschdes Wochaend simmr am See gwäa. S’war so äbbs vo schee. Zwoi vo de Jingschde (5 Johr) hemmr dabei ghett. Am Ôbnd honnena a Gschichd vorgläasa, an Guatnachtkuss gäa un beim Diara zuamacha gsait: I hon eich liab. No honne no ghert, wia unsr Donnrgettin zur Kussine sait: A woisch, Isabel, i liab me au.

Rächt hottse *schmunzl*

Äddid am Zehne: Guats Nächtle mitanand!

Ja, des dengemr o, Ziggrle, daß dia grang sei meant. An normalr Mensch ka des ned nauchvollziacha, wia ma se iebr an Holzbeig em Nauchbr seim Garda aufreaga kâ. I moi, des werd au ned dr wergliche Grond sei. Iebr so ebbes kâ mr se ned aufrega, wann ned en oim irgnd a diafr Neid frißt. Andrsch kanemr des ned vorschdella, alz daß dia iub irgndebbes neidn. Abr des hilft ui au nix weidr. Dau isch des, was dr Kandima gsät hat, gwieß gscheid - bloß kenna muaß mr des o.

An scheana Sonndig ui älle - wannz au reagnat!

Däe Wäeg vom Kandimoh isch scho dr beschd, abr oo dr schwäerschd. Abr wemma so ebbs läened, läeneba des ja fiers ganz Läebe ond es hilfd oim ibral weidr, im Beruf ond briwad bei de Kend ond beim aigene Mâ ond sogar bei se sell :-))
Ma mueß se die Freihaid scho richdeg erkembfe, dass ma se des rausnemme draud, dass ma ganz aloi sell beschdimmd ond endschaided, ob ond wenn ma se ergre lao will ond vo weam. (vonnar gschbinnede Nochbeire jednfalls idd, gell Zickarle! Do semmr eis doch eineg!!)


I hao ibrigens Landruz Leni no gar nie id senge käerd. Bei mier kudd allad a Dschellokonzerd vom Bockerini odr so a Zuix ussm Kobfhäerar, hmmm ... was bloß mid meim Radio los isch ...


dEdidd moind, se well jiez zom Radle gao, wells grad mendrnass ausluege däeb. No dueni ier hald dean Gfalle :-)
Dreißg Killemeddr will i meim Fiedle heid amol zuemuede!

Guada Morga mittnand.

Nocht wensche dr a freahlichs Pedaledrabba :-)

Griaßde Schdiggle! Bisch au mear dau?! Wo bisch'n gwea?

Guede Morga middanand! :-)

Eier Zuschbruch dued fei richdeg gued. Scho irgndwie komisch, dass mr des hilfd ond dass i so a Verdraue hab zue uib, obwohl mir eis no nia in äechd gsea hend. Des hädd i mr friendr nie denka kennad, dass es so ebbs gibd... :-)

Schea, dass mea do bisch, Schdiggle! Vrzell! Isch schea gwea? Muesch morga scho mea arbeide?

manni, auweh, bei eis war zwar zischadurch dr schensd Sonnaschei, abr ietz schidz wia aus Kanna. I hoff, Du hoschs schea warm ond drucka...

Hmm, soll i dia Frâg jetz mit "Noi" beantworda? ;o)

En Fronggraisch semmr gwäa.

Schdiggle, Du aldr Erbsazeahlr! Wann Du genau naguggsch, nocht isch dau ein ?! hendr dera rhedorischa Fraug, was des ganze zuara Feschdschdellong macht.

'z Frangreich sendr mear gwea - so, so. I hoff ui hand a scheas Weadr ghett en deam Frangreich.

Haunedr iebrigens scho vrzällt, daß mei beschta Freindin ausm Schdudiom deamäggscht bei ui iebr da Buggl nom wohnt?

Ziggrle, mi hot des au vrwondrt, daß mr so virduell doch so guade Freindschafta bilda ka. Mr merkt halt scho au so, obmrse vrschdad. Ond - des Endrned brengt oin zua Leid, dia wasmr andrsch nianats kennalearna däd. Desch doch a Sach.

Ond griaß au Di, candice. Des mit Deine Nâchbra isch scho a Kreiz. Waret die au scho bled vor derra Gschicht mit derra Holzbeig?

Ond ja, morga muaß e wiedr schaffa. Abbr vielleicht mach e am Freidag nommâl frei. Mâl gugga, was die Kollege moinet.

Selima, en onsrem Schdadtdeil? Oddr iebr em großa Buggl drieba, also en dr Schdadt dronda, oddr doch emma andra Schdadtdeil?

Genau. I dät's bedaura, wenn e zom Beischbiel d'Selima net kenna dät. Hmm, dann wisst e uff dr andra Seit abbr au ned, dass e was zum Bedaura hett ...
*iebrleg*
's isch uff jedn Fall scho guat so. :-)

*ggg* Du bisch so ein Kendskopf :-) Abr mir got's grad a so.

Vo ui pfeilgrad Richdong Oschta iebr da Buggl nom hendrm Wald.

An scheena Sonndag alle mitanand.

Schee, dammr unsr Schdiggle wiedrhonn. S'mag klei sei wias will, mir henns vrmisst. (Gell, da warsch beim Säagla).

Oh Manni, bei uns soi.....ts. Dia ganz Nacht scho. I hommr dengt, no rab damit, no ka da Manni radle gange.

Zuggrle, i hon a Kollegin, dia sich langlang vonera andera hot ärgra lo, bisse zuanra gseit hon, dass se dôdamit sich jo bloß sell wehduat un derra andra auno a Freid macht. I honnera all gsait: Gibera doch id so viel Macht ibr die. Etz hotzes glaub packt un isch wieder viel bessr druff.

Mi mitam Amoisle frei!

Griaß De Moi Gab. Ja, a bissle gsegelt hemmr, abbr net viel. I hao so viel gläsa wie soscht emma Vrrdl- oddr halba Jâhr net.

Selinma, aha. Jezt be e so gscheit wia vorher. Vo ons pfeilgrad noch Oschda iebr da Buggl niebr wär em Weschda ... *gg* ... I moi em Ennestadtbezirk "West"

Genau dau - em Philosopha-Gai.

Griaßde Gäbale! Desch abr ned, daß Du os au no glei da Reaga mit wegziachsch. Bisch halt a Liaba ;-)

Halt - i glaub, des send eigentlich Maddemadiggr.

A reins Philosopha-Gai hât's dâ net, des gâht mit de Dichter dorchanandr (und ein paar alte Gewannnamen), des isch also dann so a Art "Dichdr- ond Denggrgebiet".

Hmm, den oina odr andra Maddemadiggr hât's dâ au ...

Ond Du hâsch a PM.

ja, schdemmt, Dichdr- ond Dengr drifft's am Beschta.

A Pressemeldung? I? Wo?

*gg*

Ond Du sagsch no amâl Kendskopf zu mir ...

I vrabschied mi, mir fahret gschwend zu meinra Muaddr. Bis schbädr vielleicht.

Kendskopf!!! Kendskopf! Kendskopf!

*wart*

Viel Schbass!

Uibre Wensch hand gued kolfe!! Vrgäelzgod!

S had bloß oimal leichd greanged, do ben i no glei ondrgschande, weil i soweso noch fuchze Killemeddr a kloine Bause brauch zom Durchbluedelao vo däer Saddlkondacktgegnd, wenns am Fiedle rom ond oo vierewärz so belzeg wäed - ond a Drink- ond Rauchbause brauchi do schließle ja oo ;-)


Boschgribbdomm: mießd des bei am Schdiggle aingdle id Kinzkebfle haiße? hmm ... a komesche Annadomih wäereze ja scho beinandhao, die Ôgladene! Nix Gwieß waißba idd, solang mrn id kebd hand, gell Gäbele ;-?

Rauchbause beim Radle - manni!
Des isch ja wie wennsch beim Schwimma alle hondrd Mäddr raucha dädsch, odr beim Jogga Rauchbausa mache dädsch...
So hendrhäer nacham dusche ond schea gmiedli em Biergarda, des ka i (als erschd oinahalbjährige Nichtraucherin) ja vrschdanda, dass des a Genuss sei ka.

Eier Zuschbruch dued fei richdeg gued. Scho irgndwie komisch, dass mr des hilfd ond dass i so a Verdraue hab zue uib, obwohl mir eis no nia in äechd gsea hend. Des hädd i mr friendr nie denka kennad, dass es so ebbs gibd... :-)


Doch, i kenn des ausserem andere Forum, dô kenna mir uis au net ond helfad ons gegaseitig.

Miaß mer doch an Hoigarta en deim Garda macha. ;-)

Manne, dau schdemmd ebbes mit Deim Gebbl ned, wanndrs rondoms Fidale belze weard. Velleicht sottsch amol da Siitz a wengale nauf- ond vrallm grad schdella. Des is ôgsond, wann dr Schbiitz vom Saddl aufwärts schdood.

Guckamal da, mannile:
http://www.fahrrad-workshop-sprockhoevel.de/S...
Odr da:
http://www.focus.de/gesundheit/ratgeber/poten...

Ond so schaud a "Männrsaddl" aus:
http://www.komfortsattel.at/img/fahrradsattel.jpg
Na ja, scho a bizzle komisch...

Id ganz so komisch, abr scho bessr als a normalr Saddl:
http://www.futurumshop.de/img/6152-0010-N0709.jpg

Da Manni sott oifich dia Radlrhosa aziah, dia wo an Ledrblez im Schiggl henn. I glaub, des honnem scho môl gsait.

Dank ui schea fier uire Dibbs. I wäers amol in Rue duchläese.

Voer a baar Jor haoni mier ja an zimle deire Saddl koofd, an deam wo Ordepäde midromdockdred häbed. Jednfalls isch die Äschkelabbschlange druff ond had a Rinne in dr Midd.

Ond in meir Radlarhose isch a so a nuimodesch Vlies mid Silbrijona dinna. Maischdns nemm i sogar zwai vo deane aa. Ond Zaddlschbidz lueged idd noch oba,, dr Saddl isch waagrechd.

Na hosch du ja wirkle eisre ganza Dibbs gar id nodwendig - Du woisch ja scho alls ond machsch eh scho alls richdeg.
Na gibds eigndli bloß no a oinzige Erklärong. Du bisch hald bsondersch sensibl...
http://www.ein-paar-bilder.de/Aquarelle/Prinz...

Scheinz mach i idd alls richdeg, Zickarle, soschd däd mier ja sFiedle id wäe. Odr moisch, es ligd am wenige Drehning jiez im Frieling noch deam lange Windr - dass i mi oifach dragwene mueß?

Hasch du vieleichd Erfarong mid dem dailde Saddl ohne Schbitz? Odr kennschd ebban?
Abr so an Saddl wäeba garid am Rad lao kenne, weil a glei klaud wäed in dr Schdadd.

Abr wie xed: I wäers amol in Rue durchläese. Des haoni jiez no idd dao.

Noi, mid deane Säddl haoni koi Erfahrong. I ka bloß sage, dass mir am Afang vo dr Radlsaisong oo s'Fiedle gscheid wäehdued; des isch normal, gloob i. Abr bei mir isch des nachad noch so fembf odr seks Mol vorbei fier de Reschd vom Sommr - außr i radl zea Schdond am Dag... ;-)
Mei Broblem isch, dass mr ofd dr Daume, dr Zeigefingr ond dr Middlfengr eischlofend beim fahre, da mueß i gloob i au amol beim Lenkar exberimendiera.

I wäer mr amol noch deane Tibb uss deim äeschde Link vom fahrrad-workshop mei Rad moere genau eischdelle. Do schdod ibrigens oo ebbs ibr de Lenkar ond dGriff dinna.
Die Seita lueged gued aus!

Ond jiez guez Nechdle :-)

Gôd mr au so, daß mr allaweil d'linke Hand eischloft, dabei fahr i gar net so lang wia dr manni.

Heit war i a weng schbazier radle in dr Schdadd, no schwätzt mi a Frau a, sie dät d'Preysingstrass in Heihaus suacha, des war am Stachus. De hôt se dodal verfranzt ghett, i hobs nachat auf da rechta Weg gfirt. ;-)

(Net was ihr moint. :-P I bin brav voraus gfahre ond am Wiener Platz hot se se nachet wieder auskennt.)

Soso ihr flissige Velofahrer.
Hüt binich au sit me als emne halbe Jahr s'ersch malwidr uf mim Velo gsesse, han gmeint ich gheii abe, ich so komisch gsi. So nach s paar Minute han mi den widr dra gwöhnt.

*michfreg,wasmerdendafalschmeinechönt,bluesky*

Griaßdi Fleckle! :-)
Schea, dassd oo mearamol reischausd. Gohds dr gued?

I hao wiedr a scheane Schdielbliede:
"films with happy endings" --> Filme mit glücklichen Ausgängen
*gg*

Häbby Kinos midd häbby Ausgeng for ohl ße häbbi pipl (wäer du ßei ohl kam fromm?) ;-))


Fier moere isch Räege axed ond i wäer a baar Schdond im Kellar vrbrenge ond mei Rad tjune ond bimbe. I wäer mr die Barammeddar uss deam äeschde Lingg vom Zickarle rausschreibe.

Grad haoni an Baudnzug koofd fier die hendr Brems. A haddn am Rad dedd ausgmäeße ond aazwickd ond mier ind Hand druckd. Ondrem Neigao haoni gmoid "ameddrzwaiezwanzg". No hadda nochgmäeße ond ameddroisezwanzg isch gwe! Do hadda glached. I hao abr scho a bissle bschisse kedd, weil vom lengge Fengrschbizzle bis zuer räechde Bruschdwarze haz bei mier so zemle gnau an Meddr ;-)

"Bimb your Beik" - mid goldane Schboicha ônd amma Fuxschwanz? Naucherd brauchsch abbr au no a goldes Keddale auffam Bruschddubee em offana Hemmad :-) Ônd dr lenka Aara muaschd nâahenka, weilr z schwear isch zweggs dr Rollegs.

Iebrigens, meine Erm send lengr wia de Deine. (Abr it, weil-ne zviel Rollegse dra ghekt hâu.)

Woher duasch nauchet Du des wissa, Dusenz? Hoschde mim Manne schoml beim Armdrugga gmessa?

Noi, abr dr Meddr heart bei mir scho am Schlisslboi (auf dr Halsseita) auf ;-)

Bee-Ess: Armdrugga däät-e me niiaaa draua!

Noi, abr dr Meddr heart bei mir scho am Schlisslboi (auf dr Halsseita) auf ;-)

Häh????
Was habdsndier fier Ärm? Bei mir gohd dr Meddr faschd bis zur andre Schuldre nom. *schäm*
*romondnom mess ond nacham Meddr suech*

Iedz hao i oo an Meddr bei mir: vom Boda genau bis zom Bauchbuzzl!!!

I mess nix. Des gâht bei Elemendarschdiggla net mit em Medrstab ... Ond a Elegdronamigroskop hao i net zur Hand. Außrdem dät des jâ au nix nitza soweit i weiß ...

*ineschneii*

Griaß De Fleggle. Du hâsch iebrigens a PM.

Heuu!

Ich weiss.
Du au :D

Ond scho wiedr retour ... *gg*

SuSenz, ädd vierefuchzg meine Erm send lengr wia de Deine. (Abr it, weil-ne zviel Rollegse dra ghekt hâu.) - I moi allad, dass es bei dier id am lengge Arm ligd, sondrn äjer uff dr andre Seite vo deam Meddr. Hasch amend zvil Rolexxe drâbierßd?


Zickarle ädd semnefuchzg, hao i oo an Meddr bei mir: vom Boda genau bis zom Bauchbuzzl!!! - wemmr eis amol dräeffed uff deir Nochbeire-Tolleranz-Desensebillesierongs-Party in deim voedre Gaade, muesch nâaflacke, no wäer i des amol ausmäeße. Des wäeremr no glei hao mid däer Wäerefezierong ond Aicharei!

Beäss: Mei Ellekdronemickreschkoob lass i dahoi! sSchdickle isch soweso so kidzleg, des wur nix bei deam ;-)

D Meter ide Schwiiz sind normalerwiis 2m lang, nöd nume ein Meter... da hanich schön drin Platz.

En Medr isch au en dr Schweiz en Medr. Du moinsch wahrscheintz da Medrschdab. Der hât au bei ons zwoi Medr.

❄ No wäered abr dDurischde ausbleibe, wenns Maddar Hoere bloß no zwaidausedzwaihondrdneinedreißg Meddr hoech isch ;-(

Mederstab heisst bi eus ebe Meter. :D

Hey, wenn ich nöd weiss, wieviel Milch ines Rezept chunt, wieviel tuenich den ine?

So pi mâl Dauma halt ...

Was fir a Rezept denn?

Schdiggle, kennsch des idd? A Schweizar Millbagedd, zwai Meddr lang hald:
zwai Killomeddr Mäel
vierhondrd Meddr Vollmill vo glickleche Schweizar Kie
zwai ßandemeddr Buddr, oo vo glickleche Schweizar Kie
femf ßandemeddr Bachbulfar
drei Millemeddr Salz
ond bei zwaihondrd Meddr a halbe Schdond im Oferoer bache.

so öppis Donauwelleartigs und es dörf uf ken Fall mislinge.

Hmm, hâsch scho amâl googelt nâch ma ehnliche Rezept? Oddr scho amâl dâ guggt: http://www.chefkoch.de/

❄ - mach liebr ebbs rei- odr rohnardix. Do kennsch de bessr aus als mid deam auslendesche Gwässrzuix ;-)

Ich mach au Aarewelle, aber das Rezept isch chli verwirrend.
Ich tuen ez kei Milch dri, Donauwelle het au kei Milch im Teigg.

I gang jetz äbbes läsa ond wensch scho amâl allerseits a guade Naachd!

Naaacht.

Heilix Blechle, jetz muaß i dô vo Griechaland rei dr Schbagaat vo dr zwoida Seide nuflupfa! Was sen ihr denn fir õzuvrlässiche Siach!
(Zom Nôchlesa ben-e gar et komma, des mach-e vo drhoimt aus widder. 's basst dôhanna oifach net, sovl Zeit vor am Kombuder z' vrbringa...)

Dangdrschea, Emmrle. Abr woisch, vo Griechaland aus isch des au vill leichtr. Erschtns bisch Du beschdimdd dodal erholt, zwoidns isch Griechaland weitr weg ond deschdrwega isch Dei Hebl vill längr ond Du brauchsch wengr Graaft :-)

I be im Kellar gwe, Emmrle. Des hadd jiez hald a Weile daured. Abr jiez isch mei Gebbl mea vol uff Zagg. Nuie Bremszig, als geld, was zom ele isch, ond de Saddl so vrschobe, dass dDibia senkrechd ibrem Bedal blus oin ßandemeddr weidr hinda schdod. Grad so wies in deam Lenk vom Zickarle gschriebe isch. Dodrfier haoni mier egschdra an Senkl uss am Schbagaad ond ar groeße Schraufe gmached.

Moere koof i no a scheas nuis roez Lenkarband ond buzz mein Klareneddlesschlombf uffm voedre Schuzblech, des wo abr gar id uss Bläech, sondrn uss Blaschdeck isch.
Ond fier de Reschd hald i mi an Zickarles Dibb: So ofd radle, biss sFiedle nemma wäe dued ;-)

Ond ui, Emmrle, wensch i a scheas Schnorchle mit scheane Fisch ond scheane Kwalla. Die send zwar ôâgneam uff dr Haud, abr wondrschea zom âluge ond foddegrafiere :-))

Menno! Ietz hao is Vegale vrbassd, ond dabei hao is doch scho so vrmissd! Abr se scheind an reachd scheane Urlaub zom ham, ond des seireroo vo Herza vrgunnd.

manni - So ofd radle, biss sFiedle nemma wäe dued
*gg* Genau!
Abr meins werd nachad mea räechd wäehdoa wenn i mea aufs Rad schdeig. Middeam Sauweddr war i nemmli scho lang nemme radle...

No grießmr mol mei Dinge ond mein Bäerlebäerg, wennd vorbeikusch :-)

Mach i gäere! :-)
Am Wuchaend solls schea wäere, ond heid hao i mei Klausur ferdekorregierd, morge ben i mibbm Abbidur ferdeg, ond Donnerschdag ond Freidag bereid i es Colloquium voer - na wäers doch glached, wenn bei deane Feria id wenigschnds mal a freis Wuchaend rauschbringe däd - Juhu! :-)

*ineschneii*

*demflegglewenk*

Hei, gang mal dini Mehl go schegge, han no öppis interessants fotographiert gha :D

Wieso hends eich damals BaWü zemegno und nöd Baden und Würtemberg drus gmacht?

Frogsch halt d' Tant Wiki.

Bade ond Wirddaberg hemmr jâ scho vorher ghett, hemmr halt mâl äbbes Neis ausbrobiert, nâchdem die Besatzongsmächt sich jâ bei dr Eirichdong vo ihre Zona au net om die hischdorische Grenza kimmert henn.

... en Wikipedia schdâht's em Wesendlicha richdig drenna

Aha.

Ja, so isch des.

Ond jetz vrabschied i mi. Guad Naachd mittnand.

Bloss eisren Siedschadaad hanze eis id mache lao, die Allijierde! dHesse ond dSchwobe ond dBaire ond dEschdreichar middand - es wär sogar no Blaz fier dSchweizar meglech gwe - one die ganze Breiße, des klengd id schlechd, odr?

Jääää, aso mir sind ez ehner es unabhängigs Völkli... so Grossstäät, mhm...
Obwohl, so bis zum Schwarzwald würdemers no igmeinde bi eus, bis det here verschtönds eus no guet, nachher zwar auno, aso, vilich würdemers bis Stuttgart und Münche auno igmeinde. ;-)

Wobii, eich isch ja ganz Dütschland nume de "gross Kanton", aso, ihr sind eh scho sone Art igmeinded bi eus ;-)
Mit de Sprach haperts zwar bi menge no, aber das laht sich mache: http://www.youtube.com/watch?v=If8H3-FsVjQ (isch zimmli sicher sogar vo Dütsche gmacht, me ghörts ganz es biz ;-) )

Zue deane achzg Milljona käer i fei scho oo - wenn i dean Maischdr so rede häer!!! ;-)

Des siechd so aus, als seis a Barodie wie die do oo uff die Schkedsch ibr Annalfabede ond dass die sLäese läene solled. Die send grad aso gmached, wo oer ebbs id waiß, weil a id läese ka ond mid deam Sadz "Bin ich jetzt entlassen?" Geiz so a Ackzio in dr Schweiz oo?

Ich weiss, ich kenn die Werbig und fasch alli Parodie devo.
Ich find sie genial.

Hmm, weiss gar nöd. Ich glaub ich chamich vag erinnere, aber isch scho zimli länger her. Oder isch das öppis anders gsi...mhm. *studier*

I hoff dass du nemma so arg lang schdudiere muesch, weil i jiez ins Bedd gang ond do lass i di alloi weidribrlege! Bfieddi!

Schlaf Guet.
Ich lueg ez da no de Film fertig und den machi nochli Wösch. Ich han schliesslich Ferie, da muesi nöd so früä is Bett!

*nauflupf* Ohne Knia, Kreiz odr Hebl.

Send Dr Dei Greiz ond Deine Gnia abhanda komma? Bisch Du iatz a Gommemensch?

nÔnd mitanand

Griaß Gott mittnand.

Scheintz neamrds dâ. Schaad ...

Gang i halt wiedr.

Meah wia zwoiazwanzg Schdônd koi Bouschd! Send-Er alle debbressif zweggsam Reaga? Oder sdend-Er am Leasa? 'S isch ja faschd wia em Wentr.

Noe, mr sent halt ällaweil no dodal entschleinicht em Urlaub. I han et nôchglesa, abber i griaß eich älle schee vo Griechaland rom - bei aos ischs ällaweil no schee Wedder!
On drhoimt hôt mr da Gaarda et giaßa miaßa, isch doch gschickt!

DEINE Sorga hätt-e au gern, Emmerle! I wensch na no a schêana Zeid in deam Griechaland, kommat nôo it z' bald wieder hoim, Ihr vrsaumat gwieß nix!

Faschdafempferle, griaß De, abbr ab morga solls doch bessr werra. Am Sonndich bis achtazwanzg Grad, i glaub net, dass es bei dr Goldammr viel wärmr isch.

Griaß de Schdiggle!
I glaub hald dia achdazwanzg Grad it, be deara Soi**rei in de ledschde Däg, heut hat's auz bloß zeah (Grad) ghett! (Endschuldige bitte mei wiaschds Schwäbisch, abr zu deam Weddr fallt mr nix andrs meah ei)
Etz gang- Supp kocha - endle wiedr ebbes Flissigs ;-))

Bei ons hât's heit au gsch**ft, heit Middag hemmr bloß om de zwelf, dreizeh Grad ghett, abbr jetz isch es scho lengr drogga ond 's hât knapp fuffzeh Grad. Des lesst doch hoffa.

No will i bloß hoffe, dass die groeß Druckehaid ibr dAlb oo zu eis romkudd. Im Momend siechz scho äjer drnoch aus: Es reangebr id in Äschebachar nei :-)

Miar wared heit in Schdrassburg, do hots oisazwanzg Grad ghett (wommr zriggkomma sin, grad no zeah)

Jiez kudd grad Zonne zom äeschde Mol noch ar gfihlde Ewekaid raus :-))
Ond scho haz sibze Grad.
Na also - god doch!!

Griaß Goddle! Ond i ka ui vrzähla, daß en Schwäbisch Hall sogar em Reaga schea isch.

Zwelf Schdond schbädr send jiez oo dSchdäere hussa, ganz one Wolka. Abr i hao grad nochzelld: In dr Schdadd senz hald doch id so vil wie i vom Land häe no in Erinnrong hao. Scheinz haz doch zMenke an Haufe schwaaze Lechr mäer als im sidliche Langkrais Augschburg ...

Ibigens isch dr Antares im Schkorpijon am sidliche Horizond warscheinz kuuz drvoer, dass a a Subbrnowa wäed, schreibed se in dr Zeidong. Vileichd ischas scho, abr sLiechd dääb hald seggshondrd Jor bis zue eis häe brauche ...

*ineschneii*

Grad gwittret's herzhaft dôhanna. 's Haus vo meim Ongl isch ufm Hiegl, dô kã mr richdich schee de Blitz zugugga. Mr hoffet, dass-es net dr ganz Dag weidermacht - mr hent eigentlich zo ma letschda Sufflaki-Essa ens Schdädtle nei wella nôcheer.

Gerscht ware mr noml zo ra oglaublich scheena antigga Schdädde hier en dr Nähe. A riesagraoße Schdadt isch des gwä seinerzeit, wonderschee uf ma Berg gläga - ufm Feschtland drieba. Am Meer donna hent se et so gern baut, weil dô ällaweil dia Pirada komma sent. Scheene alde Mauerrescht, a baar wirglich eidrucksvolle Schdadtdor on insgesamt eifach a wonderschene Ãlag. D' Evy, desch d'Frau vom Ongl Fritz, moint, Mikene sei echt et so schee wia des. On des schdôht en koim Griechalandfiehrer dren bisher, mr sott's et glauba! Se hens abber schee grichdat - de ganze Bisch rausdo on a baar Sacha a weng rausgraba, dass mr's besser seha kã.

Dia Schdadt isch nôch irgendwann auf Befehl vom Kaiser Auguschdus (wenn-e me net deisch war's der) ufgeba worra, desch a õglaubliche Gschicht. Der hôt wo andrs en Griechaland a riesigs Rennomierbrojegt gschdardet, a ganz nuie Schdadt baua lassa, on damit dui au a Bevelgerong hôt, hôt mr oifach vo a baar andere Schdädt d' Leit zwangsomxiedlt, on dui Schdadt hier war oine dôdrvo.

So, morga be-n-e widder drhoimt on les nô au älles nôch, was ihr so dao on gschrieba hent.

Hey Emmrle,
no willi bloß hoffe, dass des Wäeddr schnell weidrziechd ond dier no zue uire Sufflaki kommed - kali orexi!! Ond schdoeßed uff eis Dahoiblibene a mibbm Redzina odr was dr grad fier an Wei hand.

An guede Flug!

Bischd halt an reachta Schwaub!

Ischdr des heind a Weddrle! Des wermr ausnutza. Ond wia :-)

I be grad dIsar nauf gradled. Die had Hoechwassr ond an a baar Schdella haoni no durchs Wassr radle mieße. In dr Nachd ische no so an die zwanzg Sandemeddr häechr gwe. Se isch efdr mol uffs Hoechwassrbedd rauskomme ond s hadd no vil neigflackez Gräs, âgschwemmde Beim mit Wuzlschdeck ond uffm Radlwäeg an scheane glidschege Dreck. I bi amol gschband, wie die ganze ibrschwemde Felsbrocke ond Kiesbenk, die wo se zuer Rehnadderierong neigwoefe hand, noch m Hoechwassr auslueged :-))

D Isar isch abr allad no gfäerle gnue gwe: Wie gued, dass i in dr Siddeitsche scho an Läebnsreddongskurs gmached hao! Dier miessez egschdra Die Reddong aus hegschder Seenot aklicke. Dr Link god laidr id genau uff des Widejo :-((


Abbrobbo Bobboo: So langsam wirkd dMeddode Zickarle: Femfezwanzg Killemeddr halz Fiedle aus :-))



Nochdrag om viedluffsemne:
Heid Namedag haoni gwäsche. De weiß Kochwesch isch drucke, dBondwesch lass i no a Weile uffm Balko, die mueß moere fedig druckne. Ibr Nachd hollis abr rei, idd dass dAmsl moere frie om femfe druffscheißd. - Jiez ward i uffs Biglweddr. S wäed doch hoffndle mea amol reange demnägschd!!

Oin braune Socke haoni vrgesse. Des wäed jiez hald a Weile daure, bis des Baar mea zemefendt - wie im richdige Läebe ;-)

Des gfreid mi, dass mei Meddode wikd, manni. :-)

Abrobboh Amsel: juckd die amend bei dier aufm Balkoh umanand odr hosch du koi Dach iebrm Balkoh, dass die draufsch*** kennd?

Des wäed jiez hald a Weile daure, bis des Baar mea zemefendt - wie im richdige Läebe

Des wenn bloß immr so wäer... I hao a klois Kerble em Schlafzimmr schdanda, da send bloß oinzelne Socka dinna, dia auf ihrn Bardnr warda. Neulich hao is amol zehld, es send inzwischa semnedreißg... I fierchd, da wearand scho a baar arme Socka fier da Reschd vo iehrm Leabe eisam ond alloi bleim. :-(

Die Amsla jucked uffm Balkoglendr ommanand. Die hand im Garde in dr Buechehecke ihr Neschd ond no flieged se des allad ganz indireckd â, dass dKräja nix merke solled. Se dond allad ganz ôbedailigd, nôschallâ ond ê bassâ, hî ond daa bfeifed se La Balohma drbei ;-)

Mid deane ledige Sock ka ma ja oo a Mode druss mache ;-))

I mach des a so, seide agzepdiert hau, daß mei Waschmaschi se vo Sogga ernährt. I ziag de Oinzelne duranand a. Mir doch wurscht, wann des andre komesch fendand. Haubzach d'Sogga send saubr ond hond koi Lechr.

Des heddesch deam Wolfowitz oo frienr sage kenne ;-((

Wegga was warom? Be i am Wolfowitz sei Muadr? Ond selbscht wannes wär, däd des ebbs helfa? I hau dia Erfahrong mach, daß Kerle, egal ob's die meine* send odr ned, dasse älle irgndwia a Affinidäd zua Lechr ende Sogga hand. Wammrs eana sät, nocht deands äbbl beleidigt ond lond de lechrige Sogga doch a. I hau des Dema fr mi oifach gschdricha :-) Soddnse doch ihrane Sogga aziacha wiase wend.

*Ond dau drmit moine älle Männer in meir Omgebong vo meim Oba zu meim Bua.

Des kudd vo do, dass de maischde Mannsbildr Zock beim Ânemme oifach solang zieched, bis dFäesche am richdege Bladz isch. A baar, sedde wie i, die wo ihre Sock sell schdobfe mießed, zieched âschließnd Zock am groeße Zäeche a Schdickle (ha? Schdickle??) viere, dass se lockr ibrem Zäechenagl hanged. No ribbsleze do id so schnell dure - mid deam Effeckd, dass meine Sock dLechr zeschd am Fäesche krieged ;-))
Abr i waiß oo id, ob des gscheidr isch. Was moisch du?

(Des gleiche Zwaide weckeddediert!)

Was moisch du? Du kennschde doch bei enge ond weite Klaidongsschdick so gued aus!

Koi Ahnung, irgand an Doad meand halt au dia Sogga schderba ...

Abr des midde Sogga oifach solaang ziacha, bis Zeacha vorna send, des isch mr bei Männr scho aufgfalla. Fraua roiflat eandr d Sogga midde Händ nauf ond schdeggad dann dia Zeacha nei ond roiflat hernacht da Sogga widdr ausanand iebr d'Fersch nom. Desch wartscheintz wia middam Tischörts a- ond ausziacha. Des deand Mannr au andrsch wia Fraua. Ond zwar ô-bewußt.

Des deand Mannr au andrsch wia Fraua. Ond zwar ô-bewußt.

Äechd? Ond wia isch des anderschd?

Ond manni, du duesch Sogge schdobfe? Kasch du des? Ka i dr mal abbar vorbeibringe? I ka des nemmli idda. I mueße glei wegschmeißa... *mischämm*

Des schdemmd midde Tischörz! Die oine machez so, ond die andre so odr no ganz andrsch.

Sock mid Lechr brauchsch br koi vorbeibrenge. Vo deane haoni sell gnue ;-((

Ziggrle, muasch mal gugga: Männr fassat ds Tischört em Nagga am Ausschnitt ond ziachat ses so iebrn Belmeß. Fraua fassat mit boide Händ iebr Greiz vorm Kerbr an da ondra Rand vom Tischört ond ziachands so iebrn Koobf.
Ähnlich ischas o midam Händabbuddza. Fraua budzat dreggade Handfläch am Bobbes ab, Männr an de Obrschengl.

Zickarle, äerlich xed schdobf i oo bloß meine Lieblingssock wie die, die wo mr amol a Freindin uss zwanzgarlai Wollreschd gschdrickd had midd druffgschdickde Xichdr :-))

Des Hendabudze erinnred mi an a Schdell beim Hacklberrifinn, wo a se als Fehl vrklaided kedd had, abr die oi Frau haz soford gmerkd, weil a dean Wollknuibl, dean wo se eam in Schoß gwoefe hadd, mit zemezwickde Fieß aufgfange had. A Fehl had des frienr mit gschbraizde Knie aufgfange, weil se an de lange Reck gwend gwe isch.

Schdemmt, abr des fongzjoniert heiind ja nemme, gell, Manne - o wannde des ewig draure macht.

Ihr ond eire Sogga *kopfschüttel* Guat, daß i des Problem net hab.

Wieso iez id, Hemmele? Hosch du amend koine Sogga?
I hao ietz amol Schdudie drieba in meinra Fammilie - zwoi Manns- ond zwoi Weibsbildr. Des mibbm Dieschörd ka i beschdädige, abr mibbm Händabbuzza id so ganz. Da wäer nemmli es Kändifehl a Mannsbild, ond i hao so ebbs no nia gmachd - äehrlich! Da werd doch d´Hos dreckad...

*ineschneii*

H&M het susch no Söcke: 5 paar für so ungefähr 5 Euro, in allne Farbe. Sehr beschtändig.

Aso ich butz d Händ au immer ade Oberschenkel ab, oder so uf de Siite vo de Oberschenkel, mengisch au hine.

Was isch Bobbes?

Griaß De Fleggle.

Dr Bobbes isch es Hendrdeil, also dâ, wo Du "hine" abbutsch.

Hoi Teili.


Aha. Mir seged dem Füdli.

"Fiedle" kennt mr em Schwäbische deilweis au, en onsra Geged abbr eher net.

;-)

Du, ich mues mich mal no mit echli warm Wasser und Soife übergüüse und mis Gsicht chli amale: mir gönd no weg.
D.h. ich schnei's ez.

Tschüüs, hebeds no guet!

Hosch du amend koine Sogga? Schtimmt. Mehr sag i abr net in dem offene Forum mit Milliona schtille Mitläser. Miaß mr ons halt amol dreffa.

Fiedle isch au mehr Allgeierisch, ond des ghert scho zu de allemanische Schbrôcha, deswega ischs koi Wunder, daß 's Fleggle des kennt.

Ziggrle, so isch dees halt mit deane Hibodesa, se schdemmat ned emmr ond iebrall ;-)

Endressant wär, warum daß des mid deane Dischärts so isch, wia's moischtns isch. Des griagtmr ja als Kend ned a so beibrocht - Du bisch an Bua, Du machsch des so; Du bisch a Mädle, Du machsch des a so.

Schtimmt. Mehr sag i abr net in dem offene Forum mit Milliona schtille Mitläser. Miaß mr ons halt amol dreffa.
*dumm guck*
Ond was machdmr em Windr ohne Sogga? Wäer Fieß hod, brauchd doch warme Sogga??? I kennd id iebrläeba ohne warme Sogga... Ond i woiß, dass du Fieß hosch, au wenn Du hier nix mehr saga muesch zom Kleidongsschdiehl...

*eddid* Ietz hao i iebrgnds no am Kandifehl beim Dieschörd-Ausziage genau zueguckd. Na ja, i hao scho allad gwissd, dass mei Dochdr a bissle anderschd isch wie andre Kend. Am liebschde schlubfds nemmli erschd aus die Erml nach inna ond nachad ziegdes iebrn Kobf...

Selima, des sen wahrscheintz geneddisch bedingte Ondrschied. Dr Urzeitmensch hât wahrschientz scho sei Fell so auszoga. Dr Urzeitmenschin ned, weil die hât des verrissena Zeigs dann wieder fligga miaßa ond hât sich deswäga âgwehnt, vorsichdigr mid em Zeigs omzomganga. ;o)

Em Windr habe Schtiefl ã, was denn sonscht.

@bluesky
On drhoimt? Hôsch du koine Hausschlabba dia wo du nô mit Sogga dren ãziagsch?

I han friher Sogga gschdobft on kã's au no, abber bei dene vom Fleggle oba erwehnde Soggabreise fligg i se heitzdag nemme. Wenn oiner a Loch hôt, nôch fliagt-r naus. Wenn's mehrere Baar vo dr gleicha Sort geit, nôch wurd dr Beschdand halt nôch on nôch reduziert.
On mei Waschmaschee ernährt sich au vo Sogga, komischerweis abber zuigt se dia vo de Jonge deitlich vor. Do han-e au a Kischdle em Schrank mit mehrere Dutznd oinzlne....emmr en dr Hoffnong, dass dr oi oder ander môl widder auftaucht. On manchsmôl, wenn de Jonge môl bsonders grindlich onder de Bedda odder en de Egga ufraimet, fendet se o Wonder au oin, der wo sich deet vor dr Waschmaschee vrschdeckt ghett hôt...odder au em Schborzach...

Hausschlabba? I? I ziag doch koine Hausschlabba ã, was denkschn du. Noi, feine Pantöffala.

Ok, also feine Bandeffele - on dôdrzua feine Schdrempfla? Dô dät i nôch kalde Fiaß griaga. On wenn i kalde Fiaß han, wer-e grädich...

Do kani doch bloß sage: Wol deam, däe wo gscheide Kuefellklox had!

So öppis wie Bodeheizig gits bi eu in Dütschland nöd?
:P

Vo ra Fuaßbodaheizong griag i heiße Fiaß, on dô wer-e au grädich.... :-P
Desch net so oifach, liabs Fleggle!

Kuahfellglogs mit Wollsogga sen mei ideale Lesong, abber es Hemele griagt dô jô a Grise, wenn es des siagt!

Aso ich lauf im Winter entweder barfuess umenand (Bodeheizig :D) oder mit H&M-Söcke.

A Fueßbodehaizong isch ôxond mid deam ganze Feinschdaub en dr Lufd ond reagird aißrschd drääge uff Dembraddurendronga, isch also a Ennergifressar. Rausreiße, Fleckle!!

I hao koine, abr in dr Wonong bin i oo allad barfueß. S geid nix scheanrs.

on dôdrzua feine Schdrempfla? Des woisch doch, Emmerle.

Kuahfellglogs mit Wollsogga sen mei ideale Lesong, abber es Hemele griagt dô jô a Grise, wenn es des siagt! Ah noi, beschtimmt net. Dô bin i ganz tolerant, wia da alte Fritz scho gsagt het: Ein jeder solle nach seiner Fassong glücklich werden. Meins isch halt net.

Aso ich denke, mitere Fuessbodeheizig hesch Du d'Wärmi besser im Ruum verteilt. Son Heizkörper heizt vor allem dete, woner isch. Den frührsch den 3 m witer ene.

A Fueßbodehaizong isch ôxond mid deam ganze Feinschdaub en dr Lufd ond reagird aißrschd drääge uff Dembraddurendronga, isch also a Ennergifressar.

Dô isch nochat da Regelungstechniker gfrogt. Des mit dera Drägheit kã ma in Griff kriaga, wenn de Schteuerungselegdronig net bloß an Proportionalregler ond an Integralregleranteil hat, sondern au an Differentialregler. PID-Regler hoißt des Zauberwort, hemmar lang ond broit im Schtudium ghet, da Prof hot nemlich de Regelungstechnik im Fuchsbau auf Vordermann brocht. Kennsch den, manni, der isch an dr Münchener Freiheit, dô, wo d'Lupe2 drin isch, de ham a Deckenstrahlungsheizung, de isch no minder wia a Fußbodaheizung.

Abr des mit dem Hausschtaub schtimmt nadierlich ô. Dô isch dr Schtaub allaweil in dr Luft, ganz schlimm fir Allergiker; ond es isch völlig wurscht, ob dô a Teppichboda liegt odr Fließa, du kaschn ja net wegsauga odr -wischa, weil er net am Boda liagt. Am beschta fir Allergiker isch a konventionelle Hoizung mit Teppichboda, dô funktioniert da Teppich als Staubsenke, hot mei HNO-Doktor gsait. I han des nemlich au, allergisch gega Haussstaub.

Ächt, Hemele? Debbichboda fir Hausschdauballergiker???
Also dr Goldammersoh isch au gega Hausschadub allergisch - des hoißt, mr isch jô net gega jedn Schdaub allergisch, bloß gega den Schei...dreck vo de HausschdaubMILBA, on dia wohnet doch em Debbichboda!
Zom Beischbiel, wemmer an Debbich dô liega hôt, wo mr ôbads d' Gloider ausziagt, dô isch des Vorkomma vo de Milba a baar dausat mol heher als woanders, weil se dô 's Fuader (de droggene Hautschibbla, dia wo mr beim Ausziaga mit aaschdroift) äwwl so schee nãgschdrait griagat.
Aoser HNO hôt xait, an bflegeleichda, gladda Boda (Pargett, Kork oder Fliesa zom Beischbiel), on den reglmäßig sauga on wischa, damit dia Sauviecher vo Milba meglichschd nix zom Wohna ond Fressa fendat, des wär's Ideala fir d' Allergiker.

DAu muane am Manne zuaschdemma: äbbl barfiaßat, o em Wendr ond o dussa. 's git nix bessrs. Vo Fuaßbodahoizonga were wias Emmrle grädig, schlemmr no saunarrat. I halt's enam Haus mid angschaltner Fuaßbodahoizong ned laang aus. A gscheidr Holzofa schafft iebrigens o dia bescht Wärmeschichdong enam Raum. Oba wara, onda kiahl. Isch fr da Greislauf o bessr.

Guada Morga iebrigens.

Goda Morga Ameisle.
On kalde Fiaß griagsch du nia? Em Wender, barfiaßich? O Graus!

Nadierle griag i o kalde Fiaß, abr dia semmr liabrsch alz wia hoiße. Manxmol honne me scho em Kellr auf da naggada Beddoboda gschdellt, damit meine Fiaß kaald weran ond i schlofa ka. Des hängt mid meira Venaglabbaschwäche zäma. Dau vrsaggt oim 's Bluad ende Fiaß. Nocht werans hoiß ond schwear ond deand weah.

Ja, hoiße Fiaß sen absolude Schlôfkiller, dô schdemm i dir zua. Abber drotzdem *insischdier*: was duasch du denn, wenn da em Wender so barfiaßich en dr Wohnong romsauesch on kalde Fiaß hôsch? Desch doch genau so scheißlich wia wenn se z' warm send!

(Jô jô, dia Fiaß sen scho ãschbruchsvolle Glieder, z' kald isch nix, z' hoiß isch nix....)

Noi, des schdeard me ned. Dia deffat so rechde Eisgletz sei.

Also wie mier voer so a zwanzg Jor a alz Baureheisle rennowird hand, hammr eis oo lang ibr dHaizong vrkobfed. Ond mier send baid uffm Xondhaizdribb gwe, biologesch alls ond koin Schaum in de Fenschdrschdeck ondsoweidrondsoweidr. (So xond, dass i sogar scho faschd sRauche aufgea hedd!!) No hammr eis fiers Wohn-Esszimmr fier an Kachlofe in dr dradizzenelle Grundofebauweise endschide. Do haizba oimol am Dag gscheid ei a Schdond odr andrdhalb, ond no machschs Dierle zue ond hasch de ganze Dag dei Rue. Däe Ofe schdrald zeje odr zwelf Schdond a xonde Schdralongswerme ab, faschd koi Konweckzio, faschd de gleich Dembraddur am Bode wie ondr dr Decke. Wondrbar. Die Haizong hammr in de Ibrgangszeida häegnomme.

Als Zendralhaizong hammr a Haizleischdehaizong gnomme, die had faschd so an hoeche Âdail vo Schdralongswerme wie a Grondofe, ond ma ka se ganz oifach in all Zemmr vrlege, a Kupfrräerle vo zwanzg Millemeddr Durchmessar, ideal oo fiers Rennewiere in alde Heisr, well ma bloß kloine Lechr boere mueß.

Eisre Freind im Nochbrdorf hand domols a normale Radiadorhaizong eibaud. Voer drei Jor hanze oo a Haizleischdehaizong eibaue lao, weil die oifach a vil a gmiedlichere Werme geid, hanze xed.

Ond koine Debbichbede! S god doch nix ibr an gscheide Holzbode mid femfviedlzellige Breddr, dradedzjenell aufbaud uff Holzlägr ond mid Nued ond Fäedr one Bonaal! Onz loffd se soo gued druff, barfueß odr mid Sock, mid ond one Loch :-))

(edit ommare viedl uff zwai: Mid Loch isch hald a gueda Kombremiss, wemma id ganz barfueß ommanandschbrenge will!)

Vegale, obwohl i koine Debbichbeeda mag, abr des hao i oo scho gherd, dass dia bessr wäern fier die Allergiker. Irgndwia, weil dr Schdaub da bunda werd ond id so ummanandwirbla ka, had mr mir gsehd.

Ja, hoiße Fiaß sen absolude Schlôfkiller, dô schdemm i dir zua.
Des ka i ja gar id vrschdao. I woiß allad gar id wia i meine Fiaß em Bedd warm kriega soll, ond nachad kammr äechd id eischlofa. Hmmm, abr wenn is mr genau iebrläeg - amend hao i bloß no nia in meim Läebe hoiße Fieß ghedd? Na ka i des oo id beurdeile...

Hee Zickarle, ädd " I woiß allad gar id wia i meine Fiaß em Bedd warm kriega soll," - Des hadd eisr liebs Herrgeddle scho räechd schlau eigrichd!! Dean Sadz "Es wär gar id gued, wenn dr Mensch aloi wär!" hadda uff dr kerbarliche Ebene mid kalde Weißbildrfieß ond haiße Mannsbildrfieß kobbled ond so sFueßle erfonde. Brobiers amole ;-))

Ond i dua heind glei mei Schlofmidsle auf, so miad benne.

Schlaufad o älle guad - hernacht!

Hmm, aso, was mir gnau für en Regler hend a dere Heizig, weiss ich nöd. Ich chum da nöd so druus. Falls es mal nüm funktioniert, tuenich a) öpperem alüüte und mich gnau instruiere lah, b) s Chminée afüühre und nebedrah penne, c) binere Fründin übernachte. ;-) Me mues nume Notfallplän ha.
Und Husstauballergie het da niemert. Die Heizig tuets also wunderbar. S'Einzig woni mengisch vermisse isch e sone Heizig im Badzimmer, womer Tüächli dra ufhänge chan.

*malgoWöschmachegah*

Irgndwia, weil dr Schdaub da bunda werd ond id so ummanandwirbla ka, had mr mir gsehd.

So isches. Gfehrlich wäret dia Milba ond ihre Hinderlasseschafte ja erscht, wenn se in de Atemwege glanget on dô de Schwellkerper aschwella lasset.

Fleggle, des braucht di ô net indressiera, des isch bloß was fir Fachleit. Ihr habts wahrscheinle an oifache Proportionalregler: je kalt, desto heiz.

Kei Ahnig. Es isch extrem neu und me chas programmiere.
;-)

Also mir leichdet des net ei mit dem Debbich. Wemmer de Milba erscht gar koin Läbensraum zur Verfiegong schdellt, nôch brauchet ihre Henderlasseschafda au net emma Debbich "gebunda" werra, des erscheint mr dôch de besser Lesong, odret?

D' Edith dät om kurz vor elfe no ihrn Senf drzua gea:

I han jetzt amôl a weng rescherschiert in Sachen Debbich on Hausschdauballergie, on i han ganz viele Schdella gfonda, dia wo mit meira Ãsicht iebereischdemmat, on koi oinzige, wo schdôht, dass Debbich empfählenswert seiet, weil se da Schdaub bendat oder so.
Dôhanna isch au Auswahl vo meine Fundschdella:

netdoktor.de: Verzichten Sie auf Teppiche, schwere Vorhänge oder sonstige "Staubfänger".


allergie.medhost.de: • Zumindest aus dem Schlafbereich sollte Teppichboden vollständig verbannt werden.

hausstauballergie.org: Anstelle von Teppichen oder Auslegeware können Holz- oder Linoleumböden verlegt werden, diese sollten regelmäßig gewischt werden.

allergieratgeber.de : verzichten Sie möglichst auf Teppichböden in Ihrer Wohnung

//belährmodus aus//

Ond no kama oo vom Bode essa!! (0:55)

I glaub, a Debbichboda isch dann fr Allergiker guad, wannze ned regelmäßig nauswischa wend. A gladdr Boda isch dann guad, wammr eba regelmäßig feicht nauswischt. Wammr des ned duad, hottmr iebrall Kulla ond a jeds Diaraufmacha wirblat se auf. Abr generell dieft des scho so sei, daß dia Pobulazjonsdichte fo Staubmilba enam Debbichboda greaßr isch alz wia aufma Dielaboda odr gar am Fliesaboda.

I moi, 's Emmrle hot recht ond am Hemale sei Dogdr hot recht fr älle, dia was ned gera wischa mechd.

Abrobo ... kennad ui des Tunwort 'feudeln'. 's isch ällzandre alz wia Schwäbisch, abr i hau me en des Werdle vrliabt.

"feudeln", Maisle!!! Alloi scho des 'òi' - jabfuddrdeifl ...
Des heddi jiez id vo dier denkd :-((

Abr wäes mag!

I kenn feudeln net - was hoißt des denn jetz?

Emmrle, guggsch!

Schdemmt, jetz wo-n-e's xieh fällt mr's ei, dass e des doch schoml ghert han. Danke manni

Es got hald nix ibr Fremdschbrochakenndniss, ma waiß nie, wemmas brauche ka. Ond seis bloß, dass ba em Maisle de richdige Aufdrag gea ka, wemmas eiglade hadd zom Kafeedrenke ond so ;-)

S wär scho no dFrog, ob se Budzlombe vrschdau däd, des voernem Schdaddfraile, des schdudierd!

Wanne dr Zeit hätt, dädedr Zong rausschdregga! Os hammr außrdeam grad gnua -oi-Laute em Schwäbischa, zomindescht en meim: aloinix, boide etc.

Wo kusch no du häe? "aloinix" isch bei mier "alôînix" ond des isch nasaal. Ond "boide" haißd bei eis "baid". Abr des isch hald a regijonala Ondrschied wie "vierdl noch" ond "vierdl ibr".

Abr i will amol idd so sei, due dr Abbidd laischde ond hao aus Bueß em Eddemologesche glueged:
"Feudel" kudd ussdr sognannde Hoddwolee, die wo se zfei drfier send, dasse zom Budzlombe "Budzlombe" saged, weil se viel z "feudal" send ;-)
[ zue mier] Ellebäädsch! [ / zue mier]

Also Manni, wer nimmt heitzudag no an Buzdlumpa zum Putza? Du? Mei Dings butzed mitama viiel modärnara Zeigs.

Äddid: Dschuldigung - n'ÔBND !

Frei me, dasses Vegale wiedr dô isch !

Gäbele, es däeb uff de Bode akomme! Zue mier haddr Bodevrkeifar xed, fier mein geelde Aichebode soll i koi so a Mickrofasrzuix nemme, sondrn an ganz an normale Baumwollbudzlombe. Des isch mr oo liebr, weil die Blaschdeckbudzlombe scho beim Auswende so ôâgnem in dr Hand send!

*am Gäbele wenk*

Meine beschde Lomba sen Mickrofaserlomba aus Baumwolle. Oifach ganz ganz fei ufgschbaldene Baumwollfäda. (Velleicht isch au a bissle Kunschtschdofffaser dren, aber et vill) Dia nemmat richdich viel uf on sen ãgnehm beim Auswenda.

(Mir hent heit widder amôl so a subberschwäbischs Thema odret?)

Asso Manni, wennda bei mir butza dätsch, dirfdeschdes grad so macha wia da witt. Koi Broblem. Hauptsach, s'isch saubr. Gell!

N'obed zemme.

Manni, do hesch rechd, selli Migrofaserlumpe, bliibe immer so an de Huut hänge, find i. Drotzdäm hab i die immer guet gfunde, als miini Kindr klii gsi sin, well se immer hän butze helfe welle. Un sell Blaschtikzügs ka'sch ene halt gää ohni Butzmiddel druff und s'wird drotzdäm e weng suuber.

Middlerwiil isches eh wurscht, do sin se groß gnueg und risse sich nimme ums Butze...

Hallo guimauve, sollamr da Manni froga, obr woiß wa a särpiär isch?

Also i woiß des edda, on i gang ens Bett mim Buach ge raschla, weil e vo meine viele Bauschdella, dia wo älle nôchm Urlaub ufs Laufende brôcht sei wellat, ganz he be.

Frog due, Gäbele, i drau mi nit. Bin e weng schichtern...

Alla, i bin au wegg, ch'ha do noch ä baar Uffsätz liege, die furt mien.

I gang au. Schlofet schee!

I moi allad, des sobba mid Jodd schreibe: särbijähr. Odr glei banoss ;-)

Ihr sen gemein. I denk mr grad, was ben i fir a Blôdr weil i des net amôl woiß on eire Widsla et vrschdanda kã. :-(

I au ed, Emmrle, fallzde des dreascht.

An guada Morga.

I hao ooo lang romguhgle mieße, bis i s gfonde kedd hao, wie die Franzose des woll schreibed, was sGäbele do uf Schwobefonedesch gschribe kedd hadd. Abr s isch ganz oifach: S haißd Budzlombe ;-))
Abr weil sDorrisle id im Franzforem midmached, haißezes do "Scheuerlappen" - klingd dass nich beschoierd?? *hihi*

ah, dangge, i han mr des scho au denkt ghett, abber uf dui dubbeliche Schreibweis ben-e et komma. On onder Butzlumba hen se a andrs Wort ghett beim Leo.

I be em Schdress, dr Onkl Fritz hôt ens Granggahaus miaßa, i han heit vormeddag schao 3 Schdonda deet vrbrôcht on muaß noml nuf on em a baar Sacha brenga.

#hundrtoisanoinzg: Manni, hosch rächd - do hoone a Jott un a Ha undrschlaga. Abr dfiar hosch du des Peh falsch grschrieba.

Emmrle und Moisle, iar sin so Gscheide. Gonnet doch dem arma Gäbale au mol äbbs deses woiß. Serpillière wirds in ächd gschrieba, un im Leo schdoht doch tatsächlich "Scheirlabba" - i glaubs id *hihihi*

Griaßeichmitamand!

Emmerle, bisch du no ên dem Grichaland, odr bisch-De nommole naagfloga, odr han-e ebbes duuranandbrôcht? Ond dei Onggl, hoffendle isch-er it etnschhafd krank?

Gäbale, Serpillière isch gozzeidank it en meim Grôndwordschazz franzesisch :-)

Gäbele, mid däer Schreibong b schdadd p haoni bloß dr Dadsach Rechnong drage welle, dass dFranzose ond dSchwobe des p ganz drucke saged ond id so pfuzzged wie de Norddeidsche: Pfffhhh ... ;-)

edidd: Zue meim Grondwoerdschadz käerd des idd! Wie n i no in dSchuel gange i, habba no dschendrschbezzifischs Vockabelar gläerned. Bei sedde Temas hambFehla Handarbaizfranzesesch kedd ond dBuebe Mechaneckarfranz ;-))

Du bass noo grad uff - dasss dr koi dschendrschbezifischr Butzlomba om d' Aura fliagt! ;-))

Soo wedd des nia ebbes mit Weltaburg...

Wieso, sgeid doch an Damesaddl ...
Muesch de bloss oo auffiere wie oine, no kriegschdn!

Du hasches Brobleem messchrschrf erkennt!

Griaßde Senzle! Moinsch mit Aura Aura odr Ohra? Schdellmr grad vor, wie der Butzlumba um em Manni sei Aura kreist. Wusch! Wisch! Hui!

ädd zwaihondrdois( Mier gfellschd abr one Damesaddl bessr ;-))

Mei Rad hott an normala Saddl, un wiahra duats au id (zu mir: binne gar id gmoint?)

Abbrobboo Aura: Mei Aura isch saubr ond gued dessinfezzierd ond schea ausgraichred. Do brauchz koin Budzlomba idd ond oo koi Säbbijähr scho glei gar idd!

Feudel? *hhihi*

Gäbale, Manni, i hau ja au d' Oahra gmoint ghett.

Mier gfellschd abr one Damesaddl bessr: Manni, wia soll-e des vrschdanda - moindsch du, dass dr Saddl dann ett auf meim Buggl ett odr ondr meim Fiedla sei sott?

One Damesaddl uffm Haidar. Des had sledschd Mol aso gued ausxeache :-))
(vo henda)

Schgdadd auffam Damasaddl hogg-e grad wirdr amôl auf meine Fengr...

Isch des begwehm?

Schoo, z' Fiedla duat it wäh, ônd i kaa et viel schreiba - basst!

@Zwoisentle

I han zwoi Onggl Fritza. Oiner isch hier drhoimt, der isch faifaneizg on dodal schwächlich on gebrechlich, aber an Dickkopf hôt-r wia suscht koiner on will oifach edda ens Aldersheim, aber au koi Hilf drhoimt ãnemma, wia zom Beischbiel beim Aus- ond Ãziaga, Essa uf Räder oder so ebbes.
Er muaß etz a baar Dag mindeschdens en dr Glinik bleiba, on nô miaß mr seha, ob er sich velleicht a weng meh helfa lesst oder doch ama Heim zuaschdemmt...

[zue mier] "z' Fiedla duat it wäh" - des wär amend ebbs fier mein Faradsaddl *hoffnungkeimdauf* [ / zue mier] DuSenz, wievl Killemeddr reschbeckdive Schdond haldschd du des durch?

'n Âbed. Isch no äbbr dâ?

Jô, i.

Guad.

Ond wia gâht's Dr?

Môl auf, môl ab - im Gschäfd

dahoim isch älls ôhlrait

un du?

Ogfähr au so. Ond beim Radla au alles okeeh odr duat Dr dâ a bschdemds Kerbrdeil weh?

Mir duat nix weh beim Radle. S'isch au bloß a Schdregg vo zwanzg Minuta.

Duat dir äbbs weh beim Autofahra?

Noi, 's isch doch au bei mir bloß a Schdregg vo knapp zwanzg Minudda.

Nô binne abr froh.

Kahsch bei denne zwanzg Minuta au so guat abschalda wie i?

Noi, i muaß scho a bissle uff dr Vrkehr uffbassa, 's gâht jâ en d'Schdadt nei. Abbr am End schalt e ab ... 's Audo ... *gg*

Siggsch, dô bisch wiedr im Vordeil :-)

*ineschneii*

Heu Teili und Gäbeli!

Wo isch dâ dr Vordeil?

Hallo Fleggle!

Salli Fleggle!

Wennda da Karra abschaldsch, ischr abgschalded. S'Hirn muggd amml no a wengle auf.

Fleggle, alles Rodschr?

Alles Rosche. Choch mer grad min Znacht.
Kokosnussyoghurt und Spaghetti. Legga!

Des lauft bei mir au wenn 's Audo abgschalt isch.

Fleggle, alles en Ordnung bei Dir?

Kokosnussyoghurt und Spaghetti.

Zsamma??

Kahma Kokosnussyoghurt au kocha?

Sinnr nimme dô? Nô sage etz guat Nacht. Schlofet schee.

Ha doch ben e no dâ. I wart uff die Beandwordong vo dr Joghurt-Frâg ...

Guad Naacht!

Sorry, min PC hanget.
Ehm nei, nöd zeme. S Jogi isch d Vorspiis und de Dessert.

Kokosjoghurt als Vorschbeis. Aha. Haute Cuisine à la Suisse?

Nö. À la étudiante ;-)

Ah so. Wenn i mi dâ an meine Mensa-Zeita erinner ...

Gsehsch ;-)

Abbr an manches will i mi dâ bessr gar net erinnera ...

Aso, wenn mir das ide Mensa nöd genehm isch, ganich in Migros, oder in Coop. Oder zum Kiosk. Snickers isch fasch e vollwertigi Mahlziit.
Oder susch in Bluemelade <3, eis vo de beschte Lokäl in Züri (minere Meinig nach).

I hao mr dann äbbes beim Bäcker gholt odr a Kloinigkeit en dr Cafeteria ...

Ond jetz vrabschied i mi. I wensch Dr a guade Naacht.

Danke, gliichfalls.

# 212: Koi Angschd, Manni, i bê om femf nauch dreivierdlsiebne vô meine Fengr wiedrraghoggat, ond hôigfahra. I hau bloß nemme en da Schbagat gluagat.
Gueznächdleanalle!

Do bin i abr froe, dass du id no allad druffhockesch!

Obwohl, i hao mr denkd, mid dier uffam Tandem hindadruff ond du hilfschbr dabbe ond i hock uff deine Fingr onz Fiedle dued id wäe: Des hadd ebbs!!

Guez Nechdle ui all!

Heit schdôht ebbes Endressants en dr Sieddeitscha, was ons hier au bedrifft:

Erstmals haben Wissenschaftler direkt beobachtet. wie Neutrinos im Flug ihren Charakter ändern.

http://www.sueddeutsche.de/wissen/teilchenphy...

Ob des onser Schdiggle au kã??
Wenn's 's nägscht môl en Urlaub fliagt, kommt's ãschließend als schichderns Mauerbliemle zrick???

*gg* Odr alz a grantigs, humorloses Riesendrum.

"grantix, humorloses Riesendrum?" - mir brauched abr koi Angschd id hao:
"Sie stoßen nur sehr selten mit anderen zusammen."
Die Ônwarscheinlekaid isch doch eißrschd berujigend!!

Außr ma hadd so a Maschine! Abr wäe hadd scho so oine! Des brauchd doch neamad!!

I honn schoamôl koine. Dia wär au zgroß fr mi. Odr bassd so äbbs au in a Handdasch? Egal, i honn eh au koi Handdascha id.

Scho komesch, dassba fier die kloine neitrinos so groeße Maschina brauchd.
Wemmier eis mea amol dräeffed, mießd gladd oir mibbm Saddlschlebbar komme!!

Odr, Gäbele, mier hebez doch no ond lueged, ob des alls so kloi isch. I breng voersechzhalbar a Lupe midd ;-)

A Saddlschlebbr isch doch a Kauboi, dem wo sei Gaul verreckt isch.

Schdiggle *g*

Manni, no glar luaget miar zwoi - promii schüree kraschee

Ihr werret gar nix gucka! Wo kemmet mir denn dâ nâ?

Warum? Wa hosch zum vrschdegga?

Des gâht doch Eich nix â, au a neidrino hât sei Indiemsphäre, gell.

da hosch d'Wahl: freiwillig odr da Vorschlaghammr auf da Melle

Ooh, vrheb De net ... *gg*

A schees Vrschdendnis vo "freiwillig" hâsch dâ.

Do vrhebzes Gäbele gwieß id bei am Gwichd vo ôgfäer femf Killo fier an Voerschlaghamar. Ond a neidrino wigd ja im Vrheldness drzue sozemsage gar nix!

Ond freile isch es dei freiwilliga Wille, ob d es mid oder one Melledätschar widd!

Abbr beim Aushola wirket die Zendrifugahlkräft. Ond außrdem isch des Dräffa au schwierig.

Warom muaß i jetz bloß an Schdrâftatbeschdänd wia Nedigong odr Bedrohong dengga? Hmm, i woiß au net.

Do kennsch du sGäbele woll schlechd. Des isch a wersierde Melledädschare!

edit: "Nedigong odr Bedrohong" - des mag scho sei, dass du des amol gwißd hasch fier dei Briffong fiers Schdaazexame. Abr jezmol, wenn i di ebbs froge, waischd es nemma ond behaubdeschd, des sei id dei Schbedzialgebid ond du häbesch scho alls vrgäeße, was ibr dAddomfisick nausgot ;-)

Kâ i mi gar net drâ erinnra, dass Du mi scho mâl äbbes berufsschbezifischs gfrâgt hetsch. Wahrscheintz hao e's vrdrengt ... ;o)

Manni, wägawarom duat des Bebbale bloß so gschamt?